Rerere1001日式串燒 (已結業)

#銅鑼灣新開串燒居酒屋🏮新店開咗三、四個月，就係渣甸坊樓上鋪22樓，露台可眺望大球場⚽️，好開揚！用 訂位，更可以享受低至半價優惠。是晚我地試咗好多款唔同既串燒🍢🍢🍢呢度既雞係選用日本產雞🐔，保證材料安全。燒雞軟骨$26，選用雞胸三角軟骨，口感不錯。秋葵$22，燒到岩岩好，玉子燒$20 同玉蔥煮牛舌$48就偏甜咗d，油金魚鮫兩件大大件，$69，好抵食！燒牛脷$56，厚切，簡單鹽燒已經好好味。豚肉卷蘆筍$28，豚肉既油香同蘆筍既清甜，非常夾！飲埋日本清酒🍶，最岩女仕唔大食又想搵個地方傾下計。💡最近佢地更推出Happy Hour套餐，$88起就有小食🍢同啤酒🍺，真係放咗工，鬆一鬆既好選擇。