影片
更多
2022-11-24
15 瀏覽
近太子通菜街一帶, 都係酒吧林立嘅地方。最近開咗一間主打日式串燒嘅居酒屋, 感覺別樹一格, 套餐仲好特別只有三款比你揀, 包括初菊, 紅葉, 寒梅。感覺有啲似Omakase! 入到門口附近有張廚師吧檯, 再入啲, 仲有一啲裝修充滿日式和風的座位, 感覺好似去咗日本一樣。😍每位都有餐前小食新鮮蔬菜一碟, 有椰菜, 紅蘿蔔及青瓜 , 作用比你清下味蕾。 每一碟串燒上臺都會有車厘茄同檸檬 配埋 仲有四小碟 既然畀你 調味有竹炭鹽柚子鹽咖哩鹽串燒醬 唔同嘅串燒配唔同嘅調味別有特色。我同朋友個個叫咗一set雛菊及寒梅。雛菊 - $238銀杏 - 食落有少少軟軟糯糯嘅感覺, 一啲苦味都冇, 幾清新, 口感唔錯。👍🏻燒汁茄子 - 燒到啲皮有少少脆, 入面好軟淋淋, 多汁。燒汁雞肉大蔥串 - 燒得香口, 配埋大蔥非常之惹味, 雞肉嫩滑。雞腎 - 有焦香味, 粒粒爽口。雞骨豬肉腸 - 外皮燒得香脆🍖 , 內裏好juicy, 肉汁豐富。紫酥葉魷魚卷 - 超香嘅紫蘇葉, 配上魷魚感覺特別唔同, 好味! 😋香蔥牛燒 - 超多蔥, 牛味好香濃, 食起來非常之惹味。燒飯團 - 飯糰🍙外面燒得香脆, 配埋紫菜一齊食
每位都有餐前小食新鮮蔬菜一碟, 有椰菜, 紅蘿蔔及青瓜 , 作用比你清下味蕾。 每一碟串燒上臺都會有車厘茄同檸檬 配埋 仲有四小碟 既然畀你 調味有竹炭鹽柚子鹽咖哩鹽串燒醬 唔同嘅串燒配唔同嘅調味別有特色。
我同朋友個個叫咗一set雛菊及寒梅。
雛菊 - $238
銀杏 - 食落有少少軟軟糯糯嘅感覺, 一啲苦味都冇, 幾清新, 口感唔錯。👍🏻
燒汁茄子 - 燒到啲皮有少少脆, 入面好軟淋淋, 多汁。
燒汁雞肉大蔥串 - 燒得香口, 配埋大蔥非常之惹味, 雞肉嫩滑。
雞腎 - 有焦香味, 粒粒爽口。
雞骨豬肉腸 - 外皮燒得香脆🍖 , 內裏好juicy, 肉汁豐富。
紫酥葉魷魚卷 - 超香嘅紫蘇葉, 配上魷魚感覺特別唔同, 好味! 😋
香蔥牛燒 - 超多蔥, 牛味好香濃, 食起來非常之惹味。
燒飯團 - 飯糰🍙外面燒得香脆, 配埋紫菜一齊食, 超正! 😋
寒梅 - $338
粟米牛油燒 - 牛油溶哂落香甜嘅粟米上面, 食到甜甜嘅粟米🌽之餘, 仲有牛油香。
燒汁豆腐 - 香滑嘅豆腐上面, 除咗有燒汁之外, 仲有好多木魚絲。
燒汁雞肉大蔥串 - 雞肉連同埋大蔥一齊食,食落冇咁油膩 , 仲有大蔥嘅燒香味。
阿波美雞翼 - 雞翼燒得啱啱好, 個皮燒得好香口, 咬落仲見到嫩滑嘅雞肉。
豬肉露筍卷 - 豬肉包埋蘆筍一齊燒, 不但冇令到蘆筍變老, 反而仲食到豬肉汁嘅香味! 👍🏻
燒白鱔 - 皮脆肉嫩, 好香魚味, 一啲都唔腥, 又冇骨, 正!
法國鵝肝 - 鵝肝本身都幾貴, 呢塊鵝肝都唔算少。面燒得好香口, 食落入口即溶。
燒飯糰 - 外面燒得香脆, 內層米飯軟糯。
我哋仲另外叫咗兩個小食串燒, 鳥之提燈, 燒羊架。😋
舖名: 博居酒屋
地址: 太子通菜街223號麗明大廈地下D號舖
#博居酒屋#居酒屋#太子#太子美食#日式串燒#串燒#hkfoodie#hkfood#香港美食#日本菜#日本料理#日式#打卡
張貼
