皊叄木

營業中

休息中

係朗屏橋底，前身係夏捌月個位開左間新餐廳，餐廳門面以白色為主色，非常搶眼，入面仲有副打卡既花牆，以為佢係一間café，原來係食日本串燒，串燒價錢唔貴，仲好多款式揀，不過餐廳位唔多，最好預先訂位。紅酒汁煮牛舌 (冷)紅酒汁味道夠濃，牛舌如果大舊d會更加好食。紫蘇碎蔥汁燒吞拿魚腦天吞拿魚腦天唔係成日都有，燒到半熟狀態，口感軟熟，配埋紫蘇碎蔥汁更加香口。柚子胡椒燒伊比利亞豬肋肉、豬腩片山葵卷、薄牛肉山葵卷、牛舌芯豬肋肉帶有清新既柚子胡椒味，非常開胃、仲有用豬腩片同薄薄既牛肉包住既山葵卷，唔會太辣，牛舌芯口感鮮甜爽脆彈牙。街市白鱔白鱔燒到好香，外皮有少少焦脆，魚肉嫩滑。封門柳、牛頸脊、秘燒豬頸肉封門柳肉質柔軟，牛味濃郁、牛頸脊脂肪分佈平均，有口感、秘燒豬頸肉醬汁惹味，燒到外脆內軟。雞心雞心亦係每次食串燒必點菜式之一，燒過既雞心好香口。