緻 (已結業)

將軍澳海旁開左好多新餐廳，今次繼續來試試有無驚喜。🔸厚切牛舌芯牛舌味道可以，中間岩岩好少少粉紅色夠爽口，但大少同想像的有點出入，覺得唔算厚切。🔸雞頸肉+雞脾肉兩種不同口感不同部份，雞頸肉較為爽脆，雞脾肉就較軟滑。🔸煙肉年糕朋友點的，本來有少少驚要因應年糕軟硬度，會令煙肉會燒過火而太硬太脆，但好在煙肉和年糕口感都岩岩好，汁燒的味道偏甜口，似唔辣既韓式年糕咁。🔸燒茄子因為味噌關係，味道偏甜，茄子燒到軟綿綿，我自己連皮也可以吃下。(朋友食慣川式燒茄子，所以唔習慣呢個味道，所以口味真呢家野真係好個人)。🔸炸物拼盤 呢個拼盤無論種類同份量都好令人滿意，拼盤包括吉列魷魚圈，吉列廣島蠔、蟹肉忌廉餅、唐揚炸雞、炸雞軟骨，每一樣都熱辣辣夠香脆。其中最鍾意吉列魷魚圈，因為炸漿有紫菜，所以食落真係好香口。🔸鰻魚炒飯飯粒分明乾爽，味道同一般食的日式鰻魚炒飯比較不同不是偏甜的，配料有鰻魚、蟹籽、紅蘿蔔粒、萵筍粒，層次豐富份量充足。環境舒服，睇得到既開放式廳房，適合週末食餐好或和朋友聚會。