原燒道場 (已結業)

串燒極品喺銅鑼灣能夠安安頓頓食串燒真的不多，呢間叫原燒道牆串燒選擇超過50多款，另外原來仲有樓下泰國餐廳的選擇，吾怕悶冇款式，今次我主打食串燒，環境食材價錢各方面都好滿意。基本上普通牛豬雞魚也有得選，叫左個牛舌，真係冇得頂呀！燒得好到家！好有肉質，燒嘅時間剛剛好，吾太乾，再配合醬汁，正！仲有嗰個燒三文魚，識食嘅一定選這個，喜歡食燒三文魚不能錯過！骨吾算好多，腥味都吾重，好易食，推薦呀！另外有個燒金菇，用錫紙包著的，應該是保持濕度，原汁原味呀。仲叫左燒羊肉，玉子燒，都燒得好好味，等候時間都吾長，而且用心製作啊！飲品方面要了椰子冰，波羅冰，好飲啊！之後再叫左樓下海南雞，青咖哩豬，炒通菜，同樣美味出色，其中海南雞製法有點特別，用一個大蒸竉，再在上面落汁，必試之選！