鮮‧港式串燒吧 (已搬遷) 新店位置

好耐之前同朋友嚟過呢間工廈的串燒小店，估唔到隔咗一段時間，另一批朋友又約我再來一次。今次我冇遲到，可以好認真咁睇下呢度有乜好嘢食。今次比較特別，我哋嘗試左半打生蠔。廚師推介左兩款時令品種，我比較鍾意右邊法國嗰款，質感比較軟滑。另一樣幾特別嘅係前菜三小碟，分別有枝豆、鮑魚同芥辣八爪魚。我最鍾意食芥辣八爪魚，而朋友仔就最鍾意食枝豆，都算係一次過滿足晒我哋三個願望。串燒方面，大致上都幾好食，當中亦有幾款印象比較深刻。首先係燒牛舌，估唔到小小的串燒店都有咁厚切的牛舌食。跟住係呢個煙肉青椒卷，蘆筍卷就食得多，煙肉包青椒真係第一次食。好欣賞佢個煙肉冇燒焦的感覺，仲保留左唔少油份，配合青椒特別的清蔬味，balance得好好。燒豬頸肉最特別就係佢個醬汁，介乎泰式海鮮醬同中式酸辣醬中間，令人幾難忘。雞泡魚乾亦同我哋食開的日式有點點唔同，少咗啲啲甜甜醬料，多咗少少香脆的感覺。煙肉芝士大啡菇唔使多介紹啦！一直都係我的最愛，呢度亦做到份量足，入口滿足感爆棚。各款燒蔬菜亦算新鮮，而且火候控制唔錯，唔會太乾身。最後絕對值得我哋一讚的就係炸香蕉，令我哋眼前一亮！估唔到香蕉都可以炸，仲要咁好食。薄薄的炸粉被炸得香脆，