常嚐食•深燒堂 (已結業)

放工嚟到旺角搵野食，見到依間串燒小店供應超級多款食物，而且環境望落都唔錯，於是決定try try，估唔到都相當唔錯🥰-💛必食深燒花甲粉 $58 個人好鍾意食粉絲，每次見到餐廳有賣花甲粉，都一定叫一個。依度嘅花甲粉唔貴而且份量多，花甲肉質鮮甜，配菜豆卜、娃娃菜同金菇就索唒湯汁，性價比絕對好高。如果想多啲人share，覺得份量唔夠，仲可以額外用$7-$10 加其他配料或者加底，計落真係幾抵食😋-💛串燒 ： 一串唔夠鷄軟骨 $20依度嘅鷄軟骨超級出色，鷄軟骨爽脆香口，用上香料調味，味道簡直冇得輸，我同朋友完全食到停唔到口。不過$20 先得一串就略嫌小貴，如果價錢平少少，相信我會一次過叫番5串先再食其他野！😍