彩虹串燒專門店 (已結業)

一直都係叻姐既fans，由大埔幫襯到黎荃灣，今次就推介幾樣食物比大家啦～✨原隻膏蟹海鮮粥隻蟹超大隻，味道鮮甜，肉質彈牙。粥底夠綿滑，加埋海鮮既鮮甜味真係一流。而且一份粥既份量都多，夠三、四個人食。我地個次兩個人食，飽到反艇。✨燒蟶子皇一直都好中意食蟶子，而呢到既蟶子都好大隻，而且新鮮。燒得啱啱好唔會好熟好韌，加埋蒜蓉真係非常惹味！✨燒新鮮大鱔大鱔夠肥美，燒到個皮有少少脆，好香口。加埋泰式醬汁，酸酸甜甜咁，唔會太滯。不過略嫌一串得三舊鱔肉太少，唔夠喉。✨燒原條茄子食串燒又點可以唔叫茄子呢！茄子燒到淋哂，加埋勁多蒜蓉（本人係蒜蓉fans），真係超好食！✨椒鹽大鮑魚鮑魚先炸過，所以出面係脆卜卜既外皮，加埋咸香十足既椒鹽，好過癮。而入面係新鮮既鮑魚，彈牙爽口，鮮味十足，非常推介！✨一口芝士豆腐一開頭以為係炸芝士粒，但原來係好似芝士丸之類既食物，有少少失望。不過外面炸得非常鬆脆，食落口都好食架。其他串燒就冇咩特別，所以就唔詳細寫啦～大家去幫襯既時候可以試下啲海鮮，質素唔錯架！