丸亀製麵 (康怡廣場北座)

營業中

休息中

我一直以為丸龜只係得烏冬，今次我夜晚黎，好認真咁睇下個menu,就比我發現原來係有飯食！咁我就試下個炭燒雞肉丼。環境方面都幾大，人都多既，但係都有位比我堂食。咁個飯都幾大，個賣相都唔hea既，有粟米，溫泉蛋，紫菜，雞肉。個汁其實幾好食，同個雞肉好夾。之後撈埋隻温泉蛋，又係好正！粟米粒都好甜，加埋紫菜，撈埋飯就好有層次！雞肉方面都好多，好大粒，唔會好乾，都唔會好肥，食落都有雞味，整體都唔錯！我見佢仲有唔少飯款，下次可以試吓。