丹麥餅店 (已結業)

行行下尖咀突然想食雞髀，馬上到丹麥食炸髀。附近其實有另一間都係食雞髀的，但因為丹麥老字號，所以一戰。放低銀兩，過左3-4分鐘就有得食。外皮呈現金黃色，咬落好脆，但係鹹到媽媽聲，不過本人飲食一向健康為先，食髀習慣咬走塊皮，而幸好大部份鹹味只停留在外層，不但對啲肉影響不大，反而味道岩岩好，難道塊皮係用黎吊味，預左唔食？雞髀肉質在肉厚部位尤其嫩滑，整體尚算嫩滑，咬落多汁，極之入味，食完齒頰留香。本人不善影相，但近來技術有所進步，影到景深，放埋响到，畫龍點睛，多謝！