影片
更多
2007-08-08
4 瀏覽
15-JUL-07 7:30pm今日係一個好開心既日子. 我地同一班舞友一行8人到BALALAIKA 慶祝其中二人生日, 以及祝MISS S 在NEW YORK 演出成功. O係我地決定地方之前, 身為攪手之一既我, 就O係OPENRICE 搵落腳點啦~ 其實都幾困難, 因為要解決我地8個人之中有兩個鐘意食牛, 兩個唔食牛, 一個只食魚, 一個只食豬既大問題. 經過一輪搜尋, 決定BALALAIKA! 因為COMMENT 都話佢氣氛好, 而且打過黎問, 知道咩肉都有, 咁先放心BOOK位. 到步之後, 經理安排一個靠窗既長比我地. 挺闊落的. 餐牌中雖有套餐, 但我地人多既關係, 最後都係散叫. 前菜:先黎磨菰包, 菠菜包,($15x4), 應該係叮熱或焗熱, 上時很香, 個子小小, 但餡料多多, 我地咁多人分真係唔夠, 但少食多滋味嘛~ Herring Pink Salad 古法醃希靈魚甜菜沙律($65) 同smoked fish($80) 都幾fresh, 好開胃~ 主菜;Angus Rib Eye Shashlik ($330) :唔算好大塊, 最精彩係佢上時侍應端上一個鐵架
今日係一個好開心既日子. 我地同一班舞友一行8人到BALALAIKA 慶祝其中二人生日, 以及祝MISS S 在NEW YORK 演出成功.
O係我地決定地方之前, 身為攪手之一既我, 就O係OPENRICE 搵落腳點啦~ 其實都幾困難, 因為要解決我地8個人之中有兩個鐘意食牛, 兩個唔食牛, 一個只食魚, 一個只食豬既大問題. 經過一輪搜尋, 決定BALALAIKA! 因為COMMENT 都話佢氣氛好, 而且打過黎問, 知道咩肉都有, 咁先放心BOOK位.
到步之後, 經理安排一個靠窗既長比我地. 挺闊落的. 餐牌中雖有套餐, 但我地人多既關係, 最後都係散叫.
前菜:
先黎磨菰包, 菠菜包,($15x4), 應該係叮熱或焗熱, 上時很香, 個子小小, 但餡料多多, 我地咁多人分真係唔夠, 但少食多滋味嘛~
Herring Pink Salad 古法醃希靈魚甜菜沙律($65) 同smoked fish($80) 都幾fresh, 好開胃~
主菜;
Angus Rib Eye Shashlik ($330) :唔算好大塊, 最精彩係佢上時侍應端上一個鐵架, 用vodka 淋o係舊肉度, 然後一點火, woo~ 至在攪氣氛, 過過癮~ 伴菜係一d燒烤蔬菜, 如茄子卷, 蕃茄, 無飯跟的.
Lamb Chops Shashlik 羊架串燒($165x2): 羊我地差不多個個都食, 而且佢又做得幾好, 7成熟, 雖得3舊, 但好有羊既鮮味, 個個讚~
Vegetable Shashlik($120) 樣子不太討好, 特別係隻大磨菰, 睇落好似發左毛咁. 灰灰黑黑. 點知食落又唔錯. 不過得幾舊菜賣到$120有d貴.
Salmon cod stew三文魚焗飯($140): 呢個係唸住叫黎比只係食得魚既miss, 但發現原來都係招牌菜之一, 上菜時用一個缽盛著, 面頭有個好似酥皮湯既皮, waiter 細心咁用刀切開, 將之放o係另一個碟上方面食用. 好奇地拎一塊試試, 估唔到係全麥做的! 好脆又健康!
Shrimp Spinach ($75) : 好濃味既一個菜式. 有點驚喜既係d蝦幾大隻同好新鮮, 唔係d雪左好耐既蝦仁!菠菜加芝士亦係好夾, 送飯一流呀!
仲有其他食物如pork chunks stew ($125) 同potato dumpling ($55) 都ok啦.但唔係主打囉.
飯後我地獲經理邀請到ice vodka 飲酒(Peach /Melon /Strawberry $24@x4) 我地其中四個人著上大大件fur,(好似大猩猩)同帽, 但好諷刺地我地個個都只係著拖鞋!哈哈! 入到去攝氏零下20度左右, 真係幾係野! 大家影下相都好玩既~
** 另場中有兩位俄國人大玩"與眾同樂", 令身後一外國客好high! 我地都黎一個俄國肚皮舞remix! 真係好開心~哈哈~
埋單$1,920, 如此盡興, 絕對值回票價!
張貼
