影片
更多
2023-08-27
847 瀏覽
好友升職加薪請食飯，揀咗好耐餐廳，最後決定試試全新時尚概念餐廳 — 2+2 café & bar，主打以繁複細緻烹調手法，將摩登元素融入於歐陸菜式，打造出五星級美食饗宴，令一行人都好期待今晚既飯局！2+2 café & bar集時尚、型格酒吧及私人宴會廳於一身，更設戶外雅座，用上原木及柔和中性色調之簡約設計，給人溫暖舒適感覺，完美配合餐廳輕奢悠閒氛圍～✨松葉蟹肉甘蝦海膽配牛油果沙律牛油果加入檸檬汁、橄欖油，味道輕盈清新；松葉蟹肉加入紅洋蔥碎、西芹粒、黑椒碎、檸檬皮、蛋白醬等調味，層次豐富之餘，食落更FRESH～甘蝦細細隻好鮮甜；海膽香濃軟滑、入口即溶。將所有材料包裹成爽脆又多餡既生菜包，口感味道層次豐富，作為前菜一流～✨海鮮拼盤以乾冰呈現出雪霧效果，配以貝殼形盤，賣相精緻美觀，好岩打卡影相！拼盤嚴選世界各地新鮮上乘之海鮮：🔹時令生蠔鹹鮮甜美，肉質爽脆滑溜，海水味濃🔹波士頓龍蝦先用魚湯煮熟，再以冰水急速冷凍，令肉質更為Q彈緊實🔹南非鮑魚加入洋蔥、西芹、甘筍、香葉和白胡椒等調味，配合85度低溫慢煮，鮮味濃郁、肉厚煙韌彈牙帶嚼勁！🔹北海道帶子即叫即製，厚身豐腴，味道濃郁鮮甜配有6款醬汁，自行
2+2 café & bar集時尚、型格酒吧及私人宴會廳於一身，更設戶外雅座，用上原木及柔和中性色調之簡約設計，給人溫暖舒適感覺，完美配合餐廳輕奢悠閒氛圍～
✨松葉蟹肉甘蝦海膽配牛油果沙律
牛油果加入檸檬汁、橄欖油，味道輕盈清新；松葉蟹肉加入紅洋蔥碎、西芹粒、黑椒碎、檸檬皮、蛋白醬等調味，層次豐富之餘，食落更FRESH～甘蝦細細隻好鮮甜；海膽香濃軟滑、入口即溶。
將所有材料包裹成爽脆又多餡既生菜包，口感味道層次豐富，作為前菜一流～
✨海鮮拼盤
以乾冰呈現出雪霧效果，配以貝殼形盤，賣相精緻美觀，好岩打卡影相！
拼盤嚴選世界各地新鮮上乘之海鮮：
🔹時令生蠔鹹鮮甜美，肉質爽脆滑溜，海水味濃
🔹波士頓龍蝦先用魚湯煮熟，再以冰水急速冷凍，令肉質更為Q彈緊實
🔹南非鮑魚加入洋蔥、西芹、甘筍、香葉和白胡椒等調味，配合85度低溫慢煮，鮮味濃郁、肉厚煙韌彈牙帶嚼勁！
🔹北海道帶子即叫即製，厚身豐腴，味道濃郁鮮甜
配有6款醬汁，自行mix &match將海鮮鮮味提升至另一層次～
💡餐廳為慶祝全新開業，特別推出限時優惠，由即日起至2023年9月30日，每日首5位預訂之顧客可以優惠價HK$588*享用海鮮拼盤 (原價HK$888)，令極致餐饗體驗加倍難忘💡
✨火焰龍蝦千邑濃湯
先將半隻新鮮波士頓龍蝦用秘製魚湯慢煮15分鐘以帶出其鮮味，再加入用西芹、洋蔥、紅蘿蔔、番茄和薯仔炒香之濃湯，最後淋上經燒熱之干邑，完全帶出龍蝦鮮味，將鮮味昇華。湯頭飲落濃稠，帶強烈香氣，面頭加上一匙Cream，令口感更細滑。
✨黑松露泡沫野菌湯
入口菌香十足，有粒粒野菌增添口感～黑松露泡沫綿密細滑，松露香突出！
✨牛仔膝肉燴手製意大利寬條麵配燒牛骨髓
精心挑選之牛仔膝肉嫩滑入味，豐厚多汁，配上手製意大利寬條麵，又闊又厚，口感al dente有咬口！
燒牛骨髓味道濃而不膩，配鬆脆法包同食，香濃味美。
✨澳洲M6和牛斧頭扒 (1200克)
主角之一既M6和牛斧頭扒選自頂級澳洲和牛，油花細密、油脂甘香，脂肪分布均勻，食落肉味濃郁且軟嫩多汁，口感極為豐滿。
✨招牌烤原隻蒜香有機玉米雞
另一主角為飼養滿81天之有機玉米雞，只以玉米飼料餵飼，味道濃郁鮮甜帶黃油香氣～獨特烤製過程令雞皮變得緊緻同時保留肉汁，肉質嫩滑豐滿，啖啖JUICY，入口鮮香滿溢。
☕🍫意大利咖啡芝士朱古力
煙霧迷漫配以月球造型，又係影相打卡既時候～
底有傳統tiramisu，味道香濃軟滑，面頭有經冷凍之tiramisu波波，充滿濃郁咖啡香，夾雜芝士及朱古力風味～
一道甜品，兩種口感，震撼視覺與味覺！
🍦🍫 朱古力心太軟配香草雪糕
心太軟焗製至外脆內軟，時間控制得岩岩好～輕輕切開即流出軟滑朱古力漿，暖呼呼內餡再配上一球冰凍香草雪糕，實在令人滿足！
🌰🍰榛子軟糕
香濃榛子味軟糕濃厚香醇，中間加入香脆榛子粒，令口感更有層次，味道更討喜！
🍸 Darjeeling cooler
以大吉嶺利口酒及茶為基調，加入尚柏酒、乾薑味汽水、新鮮檸檬汁，帶點日式風格，清香帶有莓味，好易入口～
🍹2+2 Signature
招牌特式雞尾酒混含藍寶石琴酒、金巴利利口酒、聖日爾曼接骨木花利口酒及氣泡酒，再特別加入迷迭香，與稍有苦澀味之金巴利利口酒相結合，散發獨特草本香氣，酒味適中，男女都岩飲～
張貼
