火鍋撚 (染布房街) (已結業)

表妹約左放工一齊食火鍋，今次目的地係旺角嘅火鍋撚，聽個名都好深印象，膽粗粗訂定位，準時1930到達，直上一樓都坐左好多人，我地預先book位，二人位都幾寬鬆，店員介紹我地揀湯底，再叫我地自己用QR code落單，方便價錢清楚，食物選擇不少還可算半份，啱晒我地人少少食多幾款，服務好好。火鍋醬料提供，每個器具大大細細不一都好重身好有feel基本都齊全。湯底我地每人揀一款，我選左酸菜白肉湯，表妹揀左蜂巢豆腐白湯。送上時香氣濃濃。火鍋嘅主角必然係湯底，其次食物新鮮，咁就能滿足。我同表妹發現白湯內有鴨血，出奇好味。 酸菜白肉湯 酸性適中令胃口大開。掂飲品我自己推介甘桔檸檬蜜 一渣 $78味道可口飲落消暑又解熱氣，好濃郁嘅甘桔味道瑤柱乾貝滑 $87 真係有一絲絲瑤柱，有彈性口感豐厚。半份嘅蓮藕$30同水魷$37 御用手切肥牛大 $377 只需8秒灼即食不過太薄唔似手切，跟我食開好唔同口感。還有多款唔同牛肉揀嘅，下次試安格斯。鮮甜桂花蚌 $109就是喜愛它的爽脆，唔需要灼太耐，真係好鮮味。最後送上兩杯用上仿古時器皿，好得意又點驚喜，原來呢兩杯其實係白果腐竹糖水黎架。