B’hood

營業中

休息中

開返酒吧當然要去多啲飲酒喇！所以今日又去尖沙咀飲，呢間B'Hood主打咖啡系Signature Cocktail，全部都獨創，非常特別！Superday $148呢一款係由花雕酒做base去研發出黎嘅，飲落口好特別，唔會好辣，aftertaste 仲有啲香氣同埋甜味，好好味，隨住冰塊慢慢溶化，酒精嘅味道沖淡左，香味同甜味開始越嚟越出，好正。Is it a Mocha? $128成杯睇落好似朱古力，就咁睇以為個杯都係食得，飲落好似mocha咁，酒精味唔係好濃，同時好重朱古力香味，係因為落左dark chocolate，好特別，岩曬我呢啲一杯起兩杯止嘅人。法式油封鴨髀配脆皮窩夫 $118鴨髀煎得唔錯，唯獨係就咁食就有少少乾身，配埋個汁食就唔錯，汁係香橙做嘅醬，幾特別。蟹肉龍蝦汁蛋餅 $118呢一個蛋餅真係好有驚喜，以為切開淨係蛋，但有好多切左片嘅薯仔，食落每一啖都好有口感，而且蟹味都幾重，好足料。配菜有四小碟，點每一款都各有千秋，但我哋都係中意就咁食。Overall黎講，食物唔錯，但飲cocktail更勝一籌，環境都幾舒服，不過CP值就唔算好高。