紅雞

營業中

休息中

六點入座，發現原來Happy hour 七點半前埋單有7折，三個人食落樓唔洗$150，價錢抵食又唔洗排隊。*半半炸雞 (甜辣醬+秘製蒜香醬) $178炸雞新鮮炸起，麵衣偏厚但非常酥脆，雞肉嫩滑有汁，即使係雞胸都唔會乾柴。甜辣醬偏甜，少辣，而蒜香醬唔夠蒜香味，甜鹹為主。醬汁真係就咁倒上啲炸雞到，所以唔係件件炸雞都有汁，盤底有好多汁，汁太杰之餘，又同炸雞本身唔係太夾，原味應該好食啲，或者洋蔥粉會夾啲。海鮮魚片火鍋 $198湯底係魚湯，清清又有少少辣，冬天飲一定非常暖胃。無限咁多魚片魚糕，食落好粉好軟腍，食極都食唔晒。海鮮有三四隻蝦，四五粒青口，魷魚，蝦肉好霉，青口細粒，一般般，魷魚冇味，好韌似橡筋。仲有櫛瓜，紅蘿蔔，有啲草腥味，乾香菇，一千零一塊蘿蔔。200蚊食魚片火鍋，唔推薦。韓式炒年糕 $88韓式湯年糕？甜辣年糕唔係太辣，偏甜多啲，又唔係太入味，份量唔多。有一隻烚蛋，同埋無限咁多魚片魚糕，魚糕都唔係咁入味。