煮打菜打冷小菜館 (已結業)

今晚又去 skw 開飯，skw 好多小店，小菜都好出色，今次去煮打打冷，成日都見到有人排隊，今日剛好有檯，感謝食神！首先要個真芝士拉絲蝦丸，食第一粒嗰陣時啲芝士熱到辣親個口，真係拉到絲，我二話不說，拍左4粒！滷水鵝片鵝翼好大碟頭，滷水好入味，鵝翼都好鬆軟，唔會硬實實咸蛋籠仔荷香蒸爆牙肉餅，肉餅好爽口，佢冇落豉油都好入味！ 發現原來佢加左豬耳同海蜇落去打肉餅，唔怪得知咁鮮味咁爽口啦！ 爆牙就係咁解！呢個送白飯一流，我見差唔多每檯都有點！蒜蓉牛油焗蜆，好 fushion，冇咗平時炒蜆個種鑊氣，不過蒜蓉同蜆更加混為一體，係一個不錯嘅新嘗試。都大碟頭，兩個人食都仲要打包走，適給一家人開飯。