影片
更多
2021-02-27
770 瀏覽
以前想食bagel🥯只能幫襯大型連鎖咖啡店，口味亦只有原味同everything較為單一🤷🏻♀️ 近呢兩年呢款食品越黎越普及，除左大部分cafe都有供應之外，一啲新派既烘焙店都有生產販賣，唔少得既當然仲有台灣代購同網上平台賣既手作☺️.今次介紹既呢間cafe位於中環荷里活道，比較特別既係cafe仲有水煙供應🚬店面並非地舖而係開係一棟舊式大廈入面，踏出電梯要推開防煙門先見到cafe，比較隱蔽🙊除左室內，cafe亦有露天座位，雖然四周都被林立大廈🏙包圍無咩風景可言，勝在有個空氣較為流通既地方俾大家除低口罩😷，吸返啖新鮮空氣☁️******************************✨ Cheesy bagzel🧀🥯 ($48)呢款將pretzel🥨同bagel🥯合二為一既bagzel係cafe既signature，外皮口感薄脆果然有如pretzel，而麵包體就Q彈有𡁻勁😋內餡混合左3種芝士🧀，既有濃郁芝士鹹香亦完美地與香草🌿融為一體，味道十分討好😍加分位係上面恰到好處既粗鹽粒🧂，令味道更有層次又唔會過鹹，不愧為呢度既signature bagel👍🏻-✨Matcha tiramisu ba
以前想食bagel🥯只能幫襯大型連鎖咖啡店，口味亦只有原味同everything較為單一🤷🏻♀️ 近呢兩年呢款食品越黎越普及，除左大部分cafe都有供應之外，一啲新派既烘焙店都有生產販賣，唔少得既當然仲有台灣代購同網上平台賣既手作☺️
.
今次介紹既呢間cafe位於中環荷里活道，比較特別既係cafe仲有水煙供應🚬
店面並非地舖而係開係一棟舊式大廈入面，踏出電梯要推開防煙門先見到cafe，比較隱蔽🙊
除左室內，cafe亦有露天座位，雖然四周都被林立大廈🏙包圍無咩風景可言，勝在有個空氣較為流通既地方俾大家除低口罩😷，吸返啖新鮮空氣☁️
******************************
✨ Cheesy bagzel🧀🥯 ($48)
呢款將pretzel🥨同bagel🥯合二為一既bagzel係cafe既signature，外皮口感薄脆果然有如pretzel，而麵包體就Q彈有𡁻勁😋
內餡混合左3種芝士🧀，既有濃郁芝士鹹香亦完美地與香草🌿融為一體，味道十分討好😍
加分位係上面恰到好處既粗鹽粒🧂，令味道更有層次又唔會過鹹，不愧為呢度既signature bagel👍🏻
-
✨Matcha tiramisu bagel🍵🥯 ($48)
之前係社交媒體見到呢度既tiramisu bagel已經bookmark想試，可惜既係cafe定期會轉換bakery menu，去到時已經升級左做呢款matcha tiramisu bagel，用既係日本丸久小山園既抹茶粉，抹茶味道清香帶回甘唔苦澀🍵
當日詢問左店員得知bagel上面既係芝士🧀，不過個人就食唔出芝士既味道，反而覺得似係奶酥多d🤔
同埋呢款bagel既口感明顯較上一款失色，同平時食到普通一個抹茶bagel無咩分別，整體而言特色不大，頗為令人失望😓
-
✨ Cinnamon roll bagel🌀🥯($48)
雖然呢款bagel係X’mas special🎄，但係我地一月中去既時候cafe仍然供應就有幸試到🤩
呢款bagel 終於有返外脆內彈既口感，入面捲左合桃粒所以口感就更加豐富🤗
另外肉桂既味道香濃，表面灑上既檸檬糖霜帶有一份清新感而唔會好甜，個人認為佢係三款bagel入面最好食既😋
-
✨ Single origin chocolate (Peru)☕️ ($50)
單品咖啡就飲得多，無諗過原來朱古力都有單品/非單品之分🙈
呢度既朱古力有Peru同Belize兩種，前者可可濃度有75%，帶有果香同酒香味，後者可可濃度就高達85%，帶有花香味，客人可以因應返自己對可可既喜好選擇返適合自己既個杯朱古力🤗
當日因為想飲返少少甜就選擇左Peru呢款，雖然未試過85%既Belize無法作比較，個人認為75%既呢杯已經充滿香濃既可可味，但唔會令人覺得過濃或者過甜👌🏻
細味之下的確感受到朱古力入口帶有花香兼有酒香既餘韻，加上佢既口感順滑，飲時仲會飲到上面半溶既朱古力碎，實在令人回味無窮😍
個人認為呢杯朱古力既水準足以媲美高級品牌既出品，非常值得推介大家一試👍🏻
-
✨ Flat white☕️ ($45)
作為一個咖啡愛好者，黎到cafe當然唔少得要飲番杯咖啡😌
當日供應既有黎自Guatemala Finca Capetillo同Papua New Guinea Baroida Estate出產既兩款咖啡豆，前者係nutty風味既咖啡豆，後者就係fruity；基於個人喜好原因，必定會揀選nutty既個款豆黎飲🤣
個人覺得呢款咖啡豆既nutty味道唔算好突出，不過因為奶泡打得夠綿密順滑以致呢杯flat white既質素不至於太差；只怪上一杯朱古力既質素太高，搞到平時飲開咖啡既我都變心，有比較之下就明顯覺得咖啡失色😆******************************
👧🏻人均消費：$120
😋味道指數：3.8/5
💰抵食指數：3/5
🪑環境指數：3.5/5
💁🏻♀️服務指數：3.5/5
👍🏻再訪指數：3.8/5
-
📍MONO Lab
地址：中環荷里活道31-33號7樓
⏰營業時間：10:00–17:30；
18:00–02:00 (Mon–Sun)
張貼
