影片
更多
2019-12-14
90 瀏覽
餐廳環境以黑白雲石做主題，餐牌亦分開黑白兩款，好有個性。本身諗住過嚟食lunch，但俾佢啲甜品吸引住，實在太多款，每款都好特別好想試，下次要試埋其他。仲有室外座位，可以帶狗狗黎一齊食飯～大蝦墨汁意粉配香茅牛奶泡沫($88)墨汁味道調配得唔錯，稍為偏鹹，可以淡返少少，另外意粉嘅料都好足，入面有好多蝦肉，而大蝦亦都彈牙新鮮。Brown Sugar Latte ($40)黑糖味道好濃，但唔會遮蓋着咖啡嘅香味。第一啖飲落口會飲到好出嘅黑糖味，之後咖啡香會慢慢滲出，甜度適中。麵包布丁配朱古力球($78)巨型朱古力球淋上熱朱古力醬，溶咗之後入面就會有麵包布丁同雜果。朱古力球嘅朱古力偏甜，可能個人比較鍾意食黑朱古力，所以覺略甜，但朋友就好鍾意隻甜度。但記住唔好影太耐相，因為朱古力醬一涼咗就溶唔到個朱古力球～玫瑰方磚($68)擺盤好靚，絕對係打卡甜品。口感輕盈，有啲似食緊牛奶布甸，雖然係白朱古力外殼，但唔會太甜，加埋紅桑子玫瑰醬，酸酸地甜到就更適中。Black Marble & White Marble ($58 each)Black Marble係朱古力蛋糕配上紅桑子醬同朱古力mousse，口感結實
仲有室外座位，可以帶狗狗黎一齊食飯～
大蝦墨汁意粉配香茅牛奶泡沫($88)
墨汁味道調配得唔錯，稍為偏鹹，可以淡返少少，另外意粉嘅料都好足，入面有好多蝦肉，而大蝦亦都彈牙新鮮。
Brown Sugar Latte ($40)
黑糖味道好濃，但唔會遮蓋着咖啡嘅香味。第一啖飲落口會飲到好出嘅黑糖味，之後咖啡香會慢慢滲出，甜度適中。
麵包布丁配朱古力球($78)
巨型朱古力球淋上熱朱古力醬，溶咗之後入面就會有麵包布丁同雜果。朱古力球嘅朱古力偏甜，可能個人比較鍾意食黑朱古力，所以覺略甜，但朋友就好鍾意隻甜度。但記住唔好影太耐相，因為朱古力醬一涼咗就溶唔到個朱古力球～
玫瑰方磚($68)
擺盤好靚，絕對係打卡甜品。口感輕盈，有啲似食緊牛奶布甸，雖然係白朱古力外殼，但唔會太甜，加埋紅桑子玫瑰醬，酸酸地甜到就更適中。
Black Marble & White Marble ($58 each)
Black Marble係朱古力蛋糕配上紅桑子醬同朱古力mousse，口感結實，係chocolate ganache嘅口感。朱古力味道濃郁偏苦，超鍾意！
White Marble就係白朱古力蛋糕配上黑芝麻panna cotta同咖啡mousse，口感light啲冇咁實，panna cotta好creamp，但相比black marble一定會甜啲。
張貼
