炎舞家 (已結業)

餐廳提供精選燒肉，美國牛肉，澳洲和牛以及日本和牛放題，四個套餐主題，首推選擇日本和牛放題！！🥩日本A4和牛肉眼蓋🥩日本A4和牛牛肋條🥩日本A4和牛里脊肉🥩日本A4和牛腹脅肉四款A4和牛任食(可選擇燒汁，鹽醬，辛辣醬汁，原味)，和牛油花分布均勻且細緻，稍稍放落燒烤鐵板，立即有著濃郁香氣，油脂好快溶化，我鍾意燒到少少濃邊，入口有charcoal 味更顯牛肉肉味，而且豐富油脂，入口即溶，啖啖滿足。另外推介澳洲M8和牛西冷👍🏻薄切西冷，脂肪比例較日本和牛少，但牛肉味更濃郁，肉質柔軟有彈性。仲有澳洲和牛牛舌，口感軟嫩又富有嚼勁！鍾意海鮮嘅，一定要試吓燒蠔，大粒又鮮甜juicy。另外海老都非常新鮮，燒嘅時候燒蝦殼已經發出陣陣香氣！其他燒物，我非常喜歡燒日本雞肝，完全無腥羶味，軟嫩又鮮甜。仲有豚肉，雞肉，野菜，海產，主食，炸物，前菜及沙律，豐富到不能盡錄，同樣出色好味。任飲飲品，啤酒，汽水，茶應有盡有，仲可以追加$38生啤任飲，而雪糕仲要係Häagen-Dazs同日本森永！📣📣📣依家仲有特別優惠，只要讚好社交平台 ，並且分享帖子，即送日本和牛一客或韓式醬油蟹一隻😍，咁吸引一定要分享俾大家知道！