漢堡佬 (已搬遷) 新店位置

今日嚟到天水圍交收，難得山長水遠入到嚟，梗係睇吓有咩好食，到左兩點左右，開始肚餓，在嘉湖新北江商場，行行下聞到好香既漢堡包味，就決定呢間啦！餐廳好細間，但野食有好多選擇，我係意粉同漢堡之中，諗左好奈。最後決定點餐廳主打既漢堡。$52 菠蘿脆蝦漢堡，落左單唔洗十分鐘，漢堡已經正好，比照片上實物更加大，我一口咬唔曬😂 脆蝦好厚身，滿滿既蝦肉，蝦味好多汁，食落好飽滿彈牙。菠蘿煎過好甜，又酸酸地，蝦連埋菠蘿食，出乎意料地夾，超好食！果然點餐廳既拿手菜式是正確既選擇！