鳥華亭

營業中

休息中

這間日本拉麵店位置比較隱蔽，店子細細，佈置充滿濃厚日式氣氛。星期六的兩點都需要排隊等位。幸好等候時間都比較快。主打雞白湯拉麵。至極雞白湯拉麵$99, 賣相擺盤有心思，雞湯溫度足夠，入口質感很厚有點漿口的感覺，雞湯鮮味香甜。直身拉麵口感比較爽口，軟硬度由大廚推介，是偏硬的程度，嚼勁中上。雞肉肉質超級軟嫩，仲有蛋香十足既半熟溏心蛋、蘆筍、混合蔥、炸蓮藕片等，配料豐富。除了雞白湯拉麵，仲有兩款特式拉麵，蕃茄莞荽拉麵便是其一，鐘意食芫茜既朋友一定鐘意，因為有一個芫茜山配上濃郁蕃茄湯。加入蛋黃的捲曲拉麵，口感比較嚼勁同掛汁，一樣配上軟嫩健康的雞肉。明太子雞翼小食，皮脆肉嫩，咬開有豐富飽滿既明太子餡料，帶點微辣，好滋味。