英都燒味廚房

營業中

休息中

搬左屋以後每日返屋企都會經過英都。放工行過見到佢地既燒味都會突然間變到好肚餓。初黎報到，人生路不熟，不過睇落間舖似乎都應該係街坊燒味之選黎。今日請左下晝假，可以落黎英都試下喇。我叫左個燒味雙拼河粉，滿心歡喜。等左十幾分鐘，因為我係下午茶時段早兩個字坐低，佢要搭正兩點半先幫我落單。不過唔緊要喇。我碗河黎喇，燒味睇落相當令架。我叫左燒肉同燒鴨。我就等唔切咁夾左舊燒鴨黎食。食落有啲失望，係味道個方面，因為佢既汁同我食開既唔同，酸酸地咁。不過起馬比我個位都算多肉都令既。到燒肉喇，燒肉既味道再令我失望多啲，好乾，同太瘦。但個皮係脆既。我唔會話唔好食，係可能唔岩我心水姐。但係個河粉我真係會講難食。所以最尾我食唔哂。唔知係咪下午茶餐既緣故。我會再幫襯既，因為都幾多熟客入黎。希望下次會試到佢燒味既真章喇。