Hidden Table (已結業)

黃埔有好多有質素既美食，沿路都會聞到周圍都好香，而小食黎講，黃埔都有好多，我地今次就去左呢間Hidden Table，小食既種類好多，而燒賣係呢度既主打，有唔同味道，有蒸燒賣同炸燒賣任君選擇，仲有燒賣關注組會員福利，同埋理大學生有9折優惠💯蒸秘製豬肉燒賣（$24）我地唔想全部都係炸嘢，就揀咗呢個蒸燒賣，一份有8粒，味道好特別，加入左麻醬做醬料，第一次食呢隻味道，無唸過又幾夾，有新意，燒賣餡都好鮮甜，魚肉味好出🤩超滑秘製腸粉（$24）見到都係店主推介就試一試，果然真係好滑，配搭埋芝麻甜醬麻醬，唔覺唔覺就食曬咗全份，份量都足夠兩個人share食😋邪惡煉奶炸饅頭 （$26）一份有3件，饅頭係即刻炸，食既時候仲熱辣辣，外脆內軟，配搭埋煉奶真係絕配😛Shake爆卷卷薯條($30) 有三個味道可選擇，分別係麻辣，紫菜，美國南部，我地揀咗紫菜味，紫菜大大條，分佈得好均勻，紫菜味好重，配搭埋熱辣辣嘅薯條，食到停唔到口🤭小店除左有汽水，仲有其他韓式飲品選擇，食到渴渴地，整翻支有氣飲品，都真係幾正㗎👍🏻