小神燈新派飯館 (已結業)

裝潢別具香港懷舊特色，紅色吊燈、霓虹燈同、紅色熱色壺... 適合一家大細或一班朋友聚會，坐得舒服又有話題性。食物價錢份量都合理。晚市有套餐，最平 $298有三道餸，性價比高!餐前小食 $15一坐低，先送上熱茶同小食，麻辣涼拌豬皮幾厚身，Q彈開胃，感覺補充左唔少骨膠原。椒麻鮮螺片師傳刀工唔錯! 鮮螺片薄切，所以燙過再涼拌都唔會韌，加入青瓜絲、芝麻同蒜蓉，增添香氣，椒麻味道會令人上癮，輕鬆KO一碟。招牌焗魚腸 $108老香港菜式，工序繁複，唔係好多餐廳肯做! 表面金黃而帶點脆口，入面配料豐富，入口嫩滑，外脆內軟，拌飯一流。魚腸、魚肝食落唔腥，仲食到少許陳皮味，有辟腥作用。蒽蓉水晶雞 $148 (半隻)採用三黃走地雞，肉質嫩滑，尤其雞肶位。面頭鋪滿蒽蒜汁，多到每一塊雞夾起都一定釀到。奇趣脆皮豬手 $198豬手皮異常地又薄又脆，咬落格格聲，相信係即叫即整，肉質比較硬正，但上台時仲微温唔會太韌，點芥茉醬一流。仙人掌梳打特飲 $28適合夏天飲，有粒粒椰果同乳酸爆珠， 而且都幾大杯，兩人share都可以。Asahi 啤酒 $32食大排檔餐當然要啤一啤。