影片
更多
2017-12-10
100 瀏覽
一向鐘意食蟹既我，今次同朋友一齊黎到呢度食避風塘蟹~~ 見到呢間小菜價錢公道，又有唔同款既蟹食，就黎到呢度啦。因為夜收工，又避免太多人，所以都專登簡左星期三黎食，果然可以即時入座呢~ 太好了~門口寫住左營業時間，同埋一d介紹。入到去，座位好闊落，好好坐。打開menu，即刻比佢menu上面既蟹吸引左，最後我地叫左避風塘蟹，同埋幾款小菜。首先係呢個乾煎豬仔骨，一上到黎已經覺得好香，襯佢熱辣辣既時候食，真係超好食。佢既豬仔骨本身好夠淋身，加上佢調配既汁好夠入味，所以勁香口，真係會好忍唔住一食再食。之後上黎既係 蟹肉扒西蘭花，係一道比較清淡健康既菜，咁就唔會感覺成口都好濃~ 有d清清既味道調節番~上面除左蟹肉之外仲有蛋白絲，咬落去清甜多汁，一路食會有蟹肉既味道淡淡出現，幾特別。之後係呢個，都係超有驚喜既藥膳米酒雞，上黎既時候係望住佢滾緊，即係即滾即上。首先試左啖湯，係超、好、飲！一黎係好有藥膳感覺 + 雞湯味濃 + 米酒既味道係後面慢慢滲出黎，每一樣味道都唔馬虎，唔會覺得無左其中一樣、或者三樣唔平衡。之後再去食湯料，佢有好吸湯既'豆pok'，一咬落去，d湯汁流晒出黎，好滿足！雖然係主打蟹為主既
見到呢間小菜價錢公道，又有唔同款既蟹食，就黎到呢度啦。
因為夜收工，又避免太多人，所以都專登簡左星期三黎食，
果然可以即時入座呢~ 太好了~
門口寫住左營業時間，同埋一d介紹。
入到去，座位好闊落，好好坐。
打開menu，即刻比佢menu上面既蟹吸引左，
最後我地叫左避風塘蟹，同埋幾款小菜。
乾煎豬仔骨
$78
16 瀏覽
0 讚好
0 留言
首先係呢個乾煎豬仔骨，一上到黎已經覺得好香，
襯佢熱辣辣既時候食，真係超好食。
佢既豬仔骨本身好夠淋身，加上佢調配既汁好夠入味，
所以勁香口，真係會好忍唔住一食再食。
蟹肉扒西蘭花
$68
12 瀏覽
0 讚好
0 留言
之後上黎既係 蟹肉扒西蘭花，係一道比較清淡健康既菜，
咁就唔會感覺成口都好濃~ 有d清清既味道調節番~
上面除左蟹肉之外仲有蛋白絲，
咬落去清甜多汁，一路食會有蟹肉既味道淡淡出現，幾特別。
藥膳米酒雞
$168
15 瀏覽
0 讚好
0 留言
之後係呢個，都係超有驚喜既藥膳米酒雞，
上黎既時候係望住佢滾緊，即係即滾即上。
首先試左啖湯，係超、好、飲！
一黎係好有藥膳感覺 + 雞湯味濃 + 米酒既味道係後面慢慢滲出黎，
每一樣味道都唔馬虎，唔會覺得無左其中一樣、或者三樣唔平衡。
之後再去食湯料，
佢有好吸湯既'豆pok'，一咬落去，d湯汁流晒出黎，好滿足！
雖然係主打蟹為主既餐廳，但佢既小菜真係一d都唔馬虎，
樣樣都好出色呢。
蒜香凍螺
$68
24 瀏覽
0 讚好
0 留言
之後係蒜香凍螺。
平時出面食螺多數係辣酒煮螺咁食，辣味會覆蓋左螺本身既味，
但呢個真係好好食，佢用蒜同汁既煮，然後冷食，
螺肉本身已經係超甜~ 仲要加上佢既汁，令到佢好甜、好好食，
一路打字已經一路吞緊口水，勁想再食！！
鐘意螺既一定要試呢個。
呢度有段小插曲，就係因為想飲茶，
拎起茶壺既時候唔小心打翻左佢地用黎食螺既牙籤筒，勁唔好意思。
不過佢地服務態度真係好好，唔會黑面、仲好快咁清理左，值得一讚！
涼拌三鮮
$48
11 瀏覽
0 讚好
0 留言
呢個係涼拌三鮮，配芝麻醬，佢有青瓜、蕃茄同皮蛋。
芝麻醬加落去我真係好鐘意，尤其係皮蛋同蕃茄XD 好味
避風塘蟹
$380
9 瀏覽
0 讚好
0 留言
食左咁多小菜，樣樣都咁正，之後就到真正既主角出場啦~
佢就係避風塘蟹~ 我地係簡左微微微微微辣既XD 因為本身都怕太辣。
有好大堆既炸蒜放上去隻蟹上面，好脆好香口。
蟹既部份拆成左身、蟹腳同蟹鉗，配上炸蒜同辣椒好香口！
最值得一提係每隻蟹個兩隻大大鉗，超厚肉，
真係咬落去啖啖肉呢~~~~。
避風塘炒米粉
$60
6 瀏覽
0 讚好
0 留言
食左咁多野之後其實都飽了，但呢個真係好得意，所以都係不停食食食的。
呢個係避風塘炒米粉，佢d米粉好幼身得黎唔痴，
咬落去唔知點解就好似食棉花糖既感覺，好鬆軟。
望落顏色好重，但味道唔算話好濃，可以用岩岩好黎形容。
藥膳米酒雞
$168
12 瀏覽
0 讚好
0 留言
最後上多幅湯料既圖~我狂添黎飲XDD
總結：
好少可覺得一間餐廳每道菜都好好食，今餐真係捧住個肚出門口，好滿足呢！
值得推介！
題外話/補充資料：
茶錢每位$5 (晚餐)
(以上食評乃用戶個人意見 , 並不代表OpenRice之觀點。)
張貼
