沐白小農 (已結業)

喺公司做緊野，未走得，同事話好耐冇飲珍珠奶茶，決定飲番杯。呢間沐白小農主打鮮奶飲品，啱晒我哋呢啲鍾意甜甜口感，又creamy 嘅味道。我單拖落黎，買返去比同事一齊飲。我實在太貪心，同事嗰兩杯我都要啜下。因為天氣又凍返，個店員好細心問我要唔要少冰，非常好！黑糖波霸鮮奶，濃厚嘅鮮奶配黑糖，又甜又creamy，珍珠有咬勁，好味！大甲芋頭鮮奶，唔係香芋鮮奶咁簡單，飲落去係有粒粒芋頭，甜度適中，飲落好有幸福感。草莓鮮奶，有草莓粒粒，飲落酸酸甜甜，唔會太漏，感覺有啲似乳酪，係一個新口味。