Coffee Jobs (已結業)

旺角cafe眾多，要突圍真係唔易。Coffee jobs雖然主打咖啡，但鹹食同小食既選擇都唔少。 黑椒蜜糖雞翼 $58雞翼大人細路都鍾意食。雞翼焗得皮脆肉嫩，面頭蜜糖烤得焦香，香甜可口。肉質亦夠滑。檸香帶子意粉 $118檸香意粉用上忌廉汁，好香滑。忌廉都算好杰身creamy，但唔太食得出檸檬。意粉質地軟硬適中，口感唔錯。帶子就略嫌唔夠爽口。 香辣車打漢堡 $128漢堡份量好大，塞滿超足料。漢堡扒好厚身，肉質略為乾身，但牛肉味香濃。包身鬆軟但唔夠香口。漢堡包夾住半溶既車打芝士同蛋黃醬，香口惹味。配上薯條同沙律菜飽肚感十足。 檸檬撻新推出既檸檬撻清新怡人。面頭放上蛋白霜，口感輕盈，中和檸檬撻既酸味。檸檬醬調得比較酸，食落無咁膩。可惜撻底太硬，無左撻皮鬆化既口感。 蘋果撻 蘋果撻放上牛油脆粒同肉桂粉烤焗，非常香口。蘋果肉焗得軟身，帶出自然既甜味，同肉桂粉好夾。可惜牛油粒同撻皮同樣比較硬身，如果更鬆軟更重牛油香就好。