Simplylife Bakery Cafe (已結業)

一行5人食生日lunch。兩張小圓枱坐4個人係剛剛好，但5個人，其中一個要坐主席位就太勉強了吧。要求加枱，經理好合作㗎，即刻行動，只係佢全程黑面冇望過我哋一眼，set好枱即閃。午餐每人點一個沙津，一個主菜，一杯ice tea，$92唔算貴。主菜點了意大利黑醋雞胸火箭菜手造紐紋粉，聽落清清地，嚟到真係嚇一嚇，成碟佈滿黑醋，雞胸碎上，見到已經唔想食，食落除咗黑醋酸味冇其他味道，結果捱了半碟放棄⋯⋯⋯。碟紐紋粉漏到咁，自然要搵嘢飲。點解，點解個冰茶唔見咗啲新鮮西柚？變咗果汁溝茶？！No way，實在太hea，除咗個沙律同麵包可以keep到，其餘都好難食⋯⋯