影片
更多
2009-06-26
22 瀏覽
行過呢度發現開咗間新料理，始終無機會試吓！今日同CK專登行黎試一試 ！12：00無訂位，不過帶位妹妹話 一點交回檯就可以，終於可以試吓！一坐低，一位女服務員送上兩杯茶，說時遲那時快，一位男服務員又遞上兩杯唔知咩凍飲，立即走人！我立刻追問下才知道這是加送的飲品『柚子蜜』。其實好感謝，但可以親切啲，客人未黎過，真係唔知發生咩事架！等我仲以為拎錯檯，同佢講仲未ORDER，真面懵！什錦天婦羅定食 ~ ＄98天婦羅包括兩隻蝦，茄子，蕃薯，日本南瓜，鮮冬菇，共 6件頗新鮮，不油之餘非常脆，一流之作！西京銀鱈魚定食 ~ $88銀鱈魚煎的好香，肉質很嫰滑，且味帶有很鮮甜的魚香，可惜份量太少，唔係幾滿足，嘻嘻！兩個定食均附上：兩小件醋漬青瓜，係用上厚肉日本青瓜，唔太酸味道剛好。另兩小片日本蘿蔔，普遍貨色！另有湯一碗，味道濃郁中有幾粒滑豆腐，跟一般用麵豉湯粉開的無差，因為飲完碗裡還有著未完全溶掉的湯粉粒！還有飯一大碗，係就係用上日本珍珠米，但米質非常差，無飯味就唔在講，狠批一定係平價米。飯硬到入唔到口，於是跟服務員反映一下，點知佢兩個即時黑面當睇唔到，跟著有個制服似是經理的人走過，跟他再講此情況後，後來更
12：00無訂位，不過帶位妹妹話 一點交回檯就可以，終於可以試吓！
一坐低，一位女服務員送上兩杯茶，說時遲那時快，一位男服務員又遞上兩杯唔知咩凍飲，立即走人！我立刻追問下才知道這是加送的飲品『柚子蜜』。其實好感謝，但可以親切啲，客人未黎過，真係唔知發生咩事架！等我仲以為拎錯檯，同佢講仲未ORDER，真面懵！
什錦天婦羅定食 ~ ＄98
天婦羅包括兩隻蝦，茄子，蕃薯，日本南瓜，鮮冬菇，共 6件頗新鮮，不油之餘非常脆，一流之作！
西京銀鱈魚定食 ~ $88
銀鱈魚煎的好香，肉質很嫰滑，且味帶有很鮮甜的魚香，可惜份量太少，唔係幾滿足，嘻嘻！
兩個定食均附上：
兩小件醋漬青瓜，係用上厚肉日本青瓜，唔太酸味道剛好。
另兩小片日本蘿蔔，普遍貨色！
另有湯一碗，味道濃郁中有幾粒滑豆腐，跟一般用麵豉湯粉開的無差，因為飲完碗裡還有著未完全溶掉的湯粉粒！
還有飯一大碗，係就係用上日本珍珠米，但米質非常差，無飯味就唔在講，狠批一定係平價米。飯硬到入唔到口，於是跟服務員反映一下，點知佢兩個即時黑面當睇唔到，跟著有個制服似是經理的人走過，跟他再講此情況後，後來更換了一個加水再煮到濕立立的飯一碗。真係唔知俾咩反應先啱！
這個價錢只有主菜撐得吓場，唔係幾抵食！
不得不提一件事，本覺得帶位這位妹妹仔幾友善，但食食吓聽到佢幾次D客一行開就罵D客，『頂你個肺，叫佢坐呢度又專登坐第度』『都話未黎，仲要行入去唔知睇咩！』唉 … … 話哂都係客人，即係佢米飯班主，個客自己聽唔到，其他客都聽到，第日仲黎俾你罵咩！
隨咗食物之外，如果想客似雲來，認真要教吓出面位妹妹仔嘅代客之道，或者乾脆換個個人吧！咁樣係門口趕客真係牙煙，幾好食都死啦！
更何況 … … 問題最大唔係食物，而是服務態度最難頂！真係要好好檢討檢討！
張貼