飴軒粉麵甜品 (已結業)

上的菜單是主打甜品，麵食反而其次，但同事們勁讚呢間的湯底好味，所以專程拉大隊來試。大家商討過後單併著數過雙併，所以每人叫一款，再互相交換來食。我要了墨丸黑糙麵，第一啖先渴湯，果然唔錯，濃濃的胡椒味，唔似是味精湯底，之後亦不會口渴有感覺，唔怪得同事們都渴清光。糙麵要加多5蚊，麵質幾滑，可惜煮得過腍及太碎。墨丸、貢丸、牛丸非常之彈牙，尤其是牛丸。而同事食黃金蛋角，原來類似炸魚片頭，初時大家仲以為係炸雞蛋。再叫了兩碟上湯菜心，菜心嫩綠又唔老。大大碗麵，每人都只是26蚊，好抵食。