咕咾 (已結業)

經過咗幾次都見佢仲裝修緊已經想試下, 話說自小都好鍾意食咕嚕肉, 去酒樓餐廳必叫既小菜, 咕嚕肉都變成小食梗係要試下啦。第一次食先試最原始酥炸咕咾肉(梅頭肉)配菠蘿咕咾醬, 加咗$15套餐, 要咗香炸菇菇同炸物必配既可樂。店面本身有幾個吧枱位置可以堂食的, 大約5點左右都已經滿座了, 等咗大約10分鐘就有食物喇。即時炸好熱辣辣仲好脆, 肉汁好Juicy, 果然專門店有一定水準👍👍👍 醬汁配菠蘿咕咾醬酸甜適中, 好想試下其他特別既醬汁, 可惜一個人食唔到咁多。香炸菇菇都好食, 可以點埋菠蘿咕咾醬一齊食, 但好咗一大舊, 如果分開細細條就好喇。