影片
更多
2019-06-28
3612 瀏覽
早前入住黃金海岸酒店主題房，未計所有包含在內的活動，單是下午茶已經充滿Fun，點解？因為每套下午茶都是因應客人入住主題房間而特意設計，其他人眼見心謀都無用，餐廳係絕不會另外提供。由於今次入住海盜房，所以擺放下午茶點心既，竟然係一個橫擺既「舵」，仲要可以一路轉，食物亦以海洋為主，真係估你唔到。至於其他主題房下午茶，現場所見，就有恐龍主題、外太空主題及公主主題，大家小朋友你望下，我望下你，究竟有乜唔同，又幾有趣喎，哈哈！ 用餐地點，就是海岸扒房，晚上屯門人Fine Dining 的好地方，但下午有著室外光，足下是泳池，大有椰林樹影、悠閒自得的感覺。 青口龍蝦多士 龍蝦肉碎上，加埋青口，堆得滿滿的，真係好豐富。軟殼蟹牛角包 將牛角包開半，把炸得香脆的軟殼蟹當作夾心餡料，帶來陣陣酥化口感。腸仔八爪魚熱狗 小朋友望見份外開心，簡單的將雞肉腸割成八爪魚外形，雖然係熱狗，但都加了變化。炸魚柳及炸雞中翼 兩者都是香口的食物，魚柳外脆內軟，好正。芒果慕絲 芳香幼滑，甜美可口，令人好難抗拒。魚子醬雞蛋 將魚子醬放在半開的熟蛋上，倍覺矜貴。海盜馬卡龍 有呍呢拿同綠茶兩款口
由於今次入住海盜房，所以擺放下午茶點心既，竟然係一個橫擺既「舵」，仲要可以一路轉，食物亦以海洋為主，真係估你唔到。
至於其他主題房下午茶，現場所見，就有恐龍主題、外太空主題及公主主題，大家小朋友你望下，我望下你，究竟有乜唔同，又幾有趣喎，哈哈！
用餐地點，就是海岸扒房，晚上屯門人Fine Dining 的好地方，但下午有著室外光，足下是泳池，大有椰林樹影、悠閒自得的感覺。
青口龍蝦多士
龍蝦肉碎上，加埋青口，堆得滿滿的，真係好豐富。
軟殼蟹牛角包
將牛角包開半，把炸得香脆的軟殼蟹當作夾心餡料，帶來陣陣酥化口感。
腸仔八爪魚熱狗
小朋友望見份外開心，簡單的將雞肉腸割成八爪魚外形，雖然係熱狗，但都加了變化。
炸魚柳及炸雞中翼
兩者都是香口的食物，魚柳外脆內軟，好正。
芒果慕絲
芳香幼滑，甜美可口，令人好難抗拒。
魚子醬雞蛋
將魚子醬放在半開的熟蛋上，倍覺矜貴。
海盜馬卡龍
有呍呢拿同綠茶兩款口味，放上獨眼海盜朱古力，一口一件啱啱好。
迷你cupcake
共有八爪魚同海獅兩款QQ造型，非常趣緻，真係有點不捨得食。
芒果撻
芳香甜美，尤其是中間的吉士醬好滑溜。
Welcome Drink Menu
新鮮果汁類有橙汁、提子汁、Chilled Fruit Juice、菠蘿汁、蕃茄汁、蘋果汁、西柚汁或者 Cranberry，種類堅多，好啱小朋友。
Soft Drink and Water
有Coke、Coke Light、Coke Zero、Sprite、Soda Water、Ginger Ale、Ginger Beer、Distilled Water、Evian (Mineral Water)及Perrier (Sparkling Water)。
Non-Alcoholic Quencher
有薄荷賓治、雜果賓治及Shirley Temple。
咖啡及茶
就有Freshly Brewed Coffee、English Breakfast Tea、Earl Grey Tea及Camomile Tea。
畢竟是小朋友下午茶，所以簡單的點了橙汁給囝囝，自己就來一杯伯爵茶，有點悠然自得的感覺。
張貼
