影片
更多
2018-12-19
3037 瀏覽
間唔中都要食下好西既，今日友人就book 左呢間位於intercontinental 既餐廳Book得呢度當然係為左個海景啦！友人book 左六點，預左d 時間食完個晚飯之後可以去海港城行下消化呢間餐廳就當然算係fine dining 個種啦，但係可惜呢佢d service 同埋用餐體驗都絕對唔係fine dining 個款，只係純粹貴價餐廳一間友人BOOK左六點啦，我地去度餐廳門口一個waiter 都無，無人greet 我地⋯⋯我地都有個疑問：係唔係餐廳未開呢？但係明明可以BOOK 六點⋯⋯所以我地就行入左個長廊諗住揾職員，望下個餐廳都已經有少量既客人係入面坐緊，即係餐廳已經開左啦？離遠有個職員望到我地，但係佢都決定繼續忙緊佢忙緊既野，無理到我地，我同友人都有d 無所適從企多左陣，我地終於揾到個職員可以俾我地問啦，佢帶返我地出去reception check 我地既booking都未開始用餐，呢d 咁小既動作其實都已經令我有少少失望。好啦入去用餐啦，我地被安排坐左入去最遠既一張檯，望到既view 係咁既～香港既維港真係望幾多次都唔會厭咁坐低就叫左枝水慢慢飲一路睇menu 啦因為餐廳既
Book得呢度當然係為左個海景啦！友人book 左六點，預左d 時間食完個晚飯之後可以去海港城行下消化
呢間餐廳就當然算係fine dining 個種啦，但係可惜呢佢d service 同埋用餐體驗都絕對唔係fine dining 個款，只係純粹貴價餐廳一間
友人BOOK左六點啦，我地去度餐廳門口一個waiter 都無，無人greet 我地⋯⋯
我地都有個疑問：係唔係餐廳未開呢？但係明明可以BOOK 六點⋯⋯
所以我地就行入左個長廊諗住揾職員，望下個餐廳都已經有少量既客人係入面坐緊，即係餐廳已經開左啦？
離遠有個職員望到我地，但係佢都決定繼續忙緊佢忙緊既野，無理到我地，我同友人都有d 無所適從
企多左陣，我地終於揾到個職員可以俾我地問啦，佢帶返我地出去reception check 我地既booking
都未開始用餐，呢d 咁小既動作其實都已經令我有少少失望。
好啦入去用餐啦，我地被安排坐左入去最遠既一張檯，望到既view 係咁既～
香港既維港真係望幾多次都唔會厭
咁坐低就叫左枝水慢慢飲一路睇menu 啦
因為餐廳既環境都比較昏暗，所以d 相既質素都唔是太好。我影既相比現場環境已經光好多架啦！
呢間餐廳係行地中海風格定唔知北歐風格，用d 石頭黎放刀，個碟仔又係細細個無碟邊個種，幾特別
本來諗住用個HSBC優惠食個3 course menu，但係因為我俾能個價值$1900 既seafood tower 吸引左，所以放棄左個3 course menu
呢個就係我放棄左既3 course menu （不過我後來是後悔的）
66 瀏覽
0 讚好
0 留言
呢個係每檯都會有既小食，係d 沾有海苔粉既薄脆加d 青醬
我打青醬唔係等於PESTO咁解，係個醬用左唔同既香葉加olive oil 攪成
個人黎講我就唔喜歡食，所以我同友人各食左一塊就叫職員拎走
order 後就上牛油啦，呢件牛油應該係鯉魚黎既，西餐入面有d 中式元素
但係我個人感覺就有少少九唔搭八，因為成間餐廳無論係食物定裝潢都無中式元素，做乜件牛油要整到過年d 年糕咁⋯⋯
餐前麵包
94 瀏覽
0 讚好
0 留言
呢件牛油當然唔只係一件牛油，而係mix 左其實香料入去，雖然職員有介紹，但係我金魚記憶已經唔記得左
我記得職員話好似有香茅，但係我淨係食到有dd 酸味，lemongrass 呢d 咁濃味既野我真係食唔到
同埋舊牛油食落都無乜特別，真係牛油咁既味
mushroom soup in foam with truffle
73 瀏覽
0 讚好
0 留言
呢個係餐湯？？？其實我唔知應唔應該叫佢係湯，因為佢係in foam，加左d 黑松露，有d 切左粒既薯仔？？定係好似椰菜花莖咁既粒粒，好味
檯上面有舊石頭，我同友人一直都談論緊到底呢個係乜野既裝飾黎，佢既用途我地兩個都真係估唔到，原來係要黎放麵包架
其實真係幾有趣呀用包當碟，但係點解要咁做呢？因為個石頭又唔算好平，所以侍應放個包都放左幾次先成功放到
我地搣完個包之後放上去都要放左幾次先成功無跌－＿＿－
食左兩個包之後，萬眾奇待既seafood tower 終於黎啦！
seafood tower
$1900
45 瀏覽
0 讚好
0 留言
seafood tower
$1900
42 瀏覽
0 讚好
0 留言
seafood tower 既sauce
42 瀏覽
1 讚好
0 留言
從兩個角度看seafood tower，有一打蠔（重點！！）同埋一d 從未食過既海鮮
後悔無影到seafood tower 既menu，因為原來openrice 未有依輪既dinner menu
食呢個seafood tower 前先講下個tower 配咩sauce，係有點下層蠔既紅酒sauce 同埋for all seafood 既蛋黃醬？
個醬exactly 係咩名我唔記得左，但佢係一個creamy 既醬黎，甚至有d 粉粉地既質感。我覺得呢個醬for 熱食多過for 凍食既海鮮囉
我連呢個tower 上面有咩蠔都唔記得左了，淨係記得belon oyster 真係好好食！
新觧就基本啦，d 蠔帶有甜味同甘味，食完個口係有回甘架
雖然我鐘意食蠔，但真係無特別研究，淨係鐘意食細蠔同爽口
食完belon 之後就明白點解呢個蠔種咁出名同埋咁多人鐘意啦
其實seafood tower 既海鮮都係食新鮮，因為無乜特別既烹調技巧呀，但係呢個tower 都有好多野值得講
首先就係一d 我無見過海鮮啦，分別係挪威海螯蝦langoustine、海螺periwinkles同grey shrimps
大家唔知係乜野都可以google 下，因為langoustine 係一種有大蝦鉗既既蝦，淺粉紅色既
periwinkles 係一種好細既螺，得指甲咁大粒，要用針挑出黎食
grey shrimps 係一種好細好細既蝦，得手指頭咁大隻，但係蝦咪好濃郁
講下呢三種海鮮先，langoustine 係要負評，因為d 蝦梅既餐廳都可以上菜，四隻蝦有一隻係梅到個蝦身斷左三截
呢隻蝦殻好硬，真係好似龍蝦咁要用毛巾㩒住黎剝殻先唔會整傷手。
搞一大輪食呢隻蝦，但係呢隻蝦係完全無味既，蝦既味無、海水味無。因為唔好味，拆佢殻又難，加上d 蝦肉梅，所以食左兩隻就算。
periwinkles 既螺味其實係濃縮版既翡翠螺，我大鄉里第一次用枝針挑d 肉出黎食，真係幾過癮
d 螺餐廳俾左好多我地，我地都食唔曬⋯⋯
grey shrimp 雖然細細隻但係d 味好濃郁，個味鮮過平時食個d 粉紅蝦
至於另外其他麵包蟹、翡翠螺、粉紅色同蜆都係普羅大眾成日食既野，大家都知味道係點，正正常常無臭無梅就收貨。
本身都諗住叫多個course 食，但係真係太飽了！個tower 我地都食唔曬，除左d 蠔，其他野都係半食半掉
而且海鮮呢食黎食去都係個d 味，口淡淡咁都唔想再食野了
最後每位在座既客人都會有一舊瑪德蓮貝殼蛋糕
我同同行友人一致認為舊蛋糕係全晚最好食既野！焗完出黎暖粒粒，散發住香氣，個表皮仲要有少少脆
俾完錢之後有職員送給我地出門，仲俾左兩包朱古力我地做禮物
送既朱古力
36 瀏覽
0 讚好
0 留言
呢個朱古力係dark 黎，我諗大概75%黎，唔甜但係有朱古力既甘同香，唔苦架！
呢間餐廳既食物好唔好我未能作準，因為我叫既係seafood tower，都無乜烹調既技巧，所以我comment 既只係餐廳既service
作為一間貴價既餐廳，佢既service 係唔合格既，無greeting 無人埋黎問下對菜色滿唔滿意，無解釋d 菜色（淨係講咩名囉），餐廳員工唔夠揾個staff 黎落單賣單都好困難。成個用餐體驗真係好差
個seafood tower 我都唔建議大家叫黎食，想食蠔就叫蠔食，唔係為左食蠔既不如拎呢千九蚊（加埋一都過二千）食自助餐好過，又有龍蝦又有蟹腳
張貼
