北斗翁頂尊火鍋料理 (已結業)

北斗翁主題: 過份殷勤變成好滋擾星期六晚的酒樓竟然唔滿座，心唸一定有原因，不過係唔知中那一樣，例如是價錢，食物質素，環境，還是服務。老實說，如唔計較價錢，我會支持去試一試，視覺上，環境清潔舒服，尤其是吃飽後，嘆在那卡座的梳化， 真的有灘屍的感覺，最好可以睡一晚。至於官能上，那些火鍋食物，除了用“新鮮"兩個字，我想唔到用甚麼字可形容它的優點。順帶一提，記得要試黑豚肉和炸腐皮。食慣香港買嘅豬肉，你試過黑豚肉，你就有難了，肯定時時心思思去日本超級市場買黑豚肉，忘記了那些平價豬肉。言歸正傳，我就真的頂唔順那些殷勤服務，好似十個煲得三個蓋，時時趕住收回煲蓋。洗碗個盤，都未洗完，在一分鐘內有兩位侍應急於收回個盤，要勞煩我叫他們等多一分鐘才收。火鍋中，時時有侍應提醒我們有甚麼未吃，我又要時時招呼和回應他們，搞到仲忙過在公司應酬老闆，想吃一餐安樂茶飯都唔得閒。另外，他們又急於幫我們倒晒啲酸梅湯。食到尾聲，未煮熟啲食物，在五分鐘內，已有三位侍應前來要趕忙幫我們熄爐，我又要期求他們給我多兩分鐘，待那兩塊豬肉煮熟才熄爐。雖然如此般殷勤，竟然我們在一個多小時內追了三位侍應跟進一碟嘅酸薑皮蛋，個個好似去了百慕達