夢の丼 (已結業)

夢之丼🍚帆立貝大大粒又有鮮味，今日嘅牡丹蝦變咗做吞拿魚腩，炙熱三文魚蓉同埋三文魚子好啱拌埋醋飯食特別鍾意搭配嘅橙醋，之前都食過一次好有印象，酸酸甜甜有啲似橙汁，加少少落刺身飯卻出奇地夾🍊花錦魚生丼🍚依款類似角切魚生飯，三文魚、赤蝦切粒，另有青瓜、玉子、蜆肉、蟹籽，中間隻蛋黃係亮點，食嗰時撈勻佢令但丼飯更滑溜~蟹膏豆腐🦀蟹膏豆腐嫩滑而且真係幾重蟹膏味，面頭炙燒過再加蟹膏醬，雙重滋味👍另外叫三款刺身，目仁奈係是日推介嘅日本飛機貨，魚味濃，可配搭蔥花同蘿蔔蓉一齊食~赤貝刺身🥢有時啲赤貝冇咁新鮮就會有瘀黑色或者腥味，但係依度見到師傅喺壽司吧原隻即開，赤貝顏色亮澤，貝肉微捲，睇得出係好新鮮，味道亦係相當鮮甜，一啲腥味都冇，唔需要其他調味，雖然唔算大隻，但係非常爽口，好食！