三代目 (港運城)

營業中

休息中

今日想同屋企人談心，於是去咗呢一間叫做三代目嘅日式餐廳度食飯。一入去到個環境，感覺好親切，有啲似日本嘅居酒屋，古色古香，令人輕鬆。我哋嗌咗個鹽燒牛舌丼，肉質嫩滑，飯粒分明，肉汁豐富，厚度適中，值得一試。另外我哋嗌咗一個三監燒肉丼，內有煙燻雞五花肉及牛舌。配搭豐富，味道鹹鹹的、濃郁可口，加上酸瓜嘅配搭，感覺令人開胃。我哋亦都嗌咗一個海之夭婦羅，內有蝦，鯛魚，黑松露帶子，靈魚，紫蘇葉。炸粉厚度適中，不油膩，食材鮮甜可口、新鮮。我個人認為值得重點推介嘅係呢一個照燒魷魚筒，照燒汁味道濃郁可口，魷魚本身質感嫩滑、彈牙。質感亦比一般嘅濃郁、軟綿，非常容易入口。此外，我哋嗌咗一杯凍嘅荔枝焙茶同一杯凍嘅蘋果焙茶。味道甜甜的，感覺特別。配茶嘅茶底能夠襯托出水果嘅味道，是另一賣點。總括而言今次用餐嘅體驗愉快，有著一般日本餐廳用餐嘅水準。餐牌選擇多元，味道不錯。