抹茶館 (已結業)

廢話唔多講。直接講食物！叫左一個沙律醬豬扒丼，起初見到佢menu幅圖係唔吸引嘅，因為影到個豬扒好厚。星期六hea mode緊，連個口都唔想郁，想食啲易𡁻野。但係好彩男朋友話試下，哩個飯係好食嘅。個飯一上枱已經流口水，賣相好正。再望下啲豬豬，原來係薄燒嘅！即刻食返舊，佢夾雜左沙律醬嘅味，令到肉味香左。除咗咁之外，因為加左沙律醬所以豬肉入口嘅口感冇咁鞋身，滑左。所以呢個配搭真係唔錯。而我最怕食有豉油汁嘅丼，因為餐廳多數都會落好多汁，多到浸住個飯，搞到好似食爛飯咁，有啲又會落得太少，成個飯冇汁變咗好乾唔好食。呢度嘅飯當質量好適中，所以真係推介得過。不過唯一嘅缺點就係佢將啲沙律擺賣係個飯面，又加左啲其他味酸酸地嘅沙律汁，當啲汁留咗落飯入邊就會覺得好奇怪。不過酸沙律汁唔太多所以對成個返嘅影響問題不大。另外一個嘢食就係，黑芝麻醬豚肉拉麵，湯底當然冇出邊打正旗號賣拉麵嘅鋪頭咁好食。不過溫泉蛋同個豚肉真係幾好。肉嘅脂肪比例算叫做一比一，所以一入口可以話係即溶。拉麵都煮得幾彈。如果70幾蚊一個拉麵，我覺得都算合格嘅。