天竜 (已結業)

朋友仔住附近，係呢度搵左間性價比高嘅居酒屋，好彩早少少黎到，唔係就冇位了。好，坐低睇下有咩好食先。海膽五色丼定食，一個定食，有湯，前菜，小食，好抵食啊！炸雞，玉子都有兩件，我地可以share食。丼飯啲海膽多到滿瀉，又鮮甜，帆立貝大粒，晶凝通透，仲有鮮紅色吞拿魚，舖滿成個丼飯。三文魚腩刺身，帆立貝刺身，三文魚腩切得好靚，而且脂肪油份都好重。唐揚豆池魚，連魚仔都咁有心機排到咁靚，個魚仔炸得好香口，食落裡面都好有肉。燒芝士年糕，外皮夠薄，咬落軟綿綿流心芝士。芥辣八爪魚，有時壽司我都會點呢個，因為果種芥末嘅辣，配埋八爪魚嘅爽脆，好刺激。