久久

營業中

休息中

餐廳：久久地點：中環街市菜式：台灣菜餐牌：下午茶餐牌有古早手工麵，家傳滷肉飯，地道小食，甜點，飲品，價錢相宜鹽酥雞滷肉飯 $58 面頭有7件鹽酥雞，伴有少少多汁滷肉，半隻糖心蛋，兩條小棠菜同鹹菜，好多料下。下底飯量正常，唔會太多或者太少。久久麻辣牛三寶 $98久久麻辣牛三寶小食熱辣辣上枱。牛三寶包括腱心兩條，牛筋五條同牛肚三片。牛肚好有口感，牛筋入口即化，滿嘴骨膠原！伴有入味滑溜滷水蛋一隻同鹹菜。面頭灑上蔥花。可以走辣。麻辣鬼椒起司雞腿蛋吐司 $58麻辣鬼椒起司雞腿蛋吐司可走辣，我叫左走辣。起司雞腿蛋吐司即叫即整，熱辣辣！一客兩件，係烘底架，食落好香脆！入面有豐富煎蛋同多汁嫩滑雞腿肉，面頭加上眼見既芝士醬，食落脆中帶汁，正！吐司用紙包好，方便用手食。黑糖珍珠奶茶 加$22黑糖珍珠奶茶我要求用外賣膠杯上，附上獨立包裝飲管。下底見到有好多黑糖珍珠。味道都唔錯，滑溜而奶味夠，唔會太苦或者太甜，黑糖珍珠甜度適中，好有咬口。今餐食物都幾好，上菜快捷，價錢合理，地點方便。