十八座狗仔粉

營業中

休息中

十八座狗仔粉對我黎講係「久久不吃也是懷念」類嘅食物，冇太驚人嘅「嘩，好好味！」，但食過一次之後，偶爾又會想食下。呢間店仔出名冇服務，對旅客差到不得了，有時都覺得「洗唔洗咁惡呀？」不過如果你乖乖地冇嘢激親阿姐，佢又冇咩嘢嘅，睇佢心情啦，反正食完就走！之前食過火鴨碗仔翅，覺得鴨味太濃、太杰、有啲騷，今次都係簡簡單單叫個狗仔粉食下算，最愛佢湯頭杰杰地，配上菜脯、冬菇，都幾惹味，狗仔粉偏軟，有掛湯力， 我愛食辣，所以鐘意加少少辣菜脯，不過都真係辣，小心份量。