久久

營業中

休息中

餐廳：久久地點：中環街市菜式：台灣菜餐牌：下午茶餐牌有古早手工麵，家傳滷肉飯，地道小食，甜點，飲品，價錢相宜久久紅燒半筋半肉麵 $63久久紅燒半筋半肉麵大大碗，面頭係牛肉兩大件同牛筋幾條。牛肉係半筋半肉，夠稔，食落骨膠原感重，味道亦啱啱好。牛筋入口即化。伴有兩大條小棠菜，鹹菜同蔥花。個湯好清，飲落帶少少酸味，送麵好好食。麵係白色扁身麵條，偏稔，份量唔少。呢個下午茶價錢抵食。久久麻辣牛三寶 $98呢碟小食好大碟，熱辣辣上枱。牛三寶包括腱心兩大條，牛筋三/四條，牛肚4片。牛肚好有口感，味道係好辣架，好刺激！伴有滷水蛋一隻同鹹菜。滷肉A菜 $38滷肉A菜係油墨菜上面加好多滷肉。油墨菜份量足，滷肉份星多，菜又嫩又夠味！古早芋泥三色芋圓 $38古早芋泥三色芋圓大大碗，中間芋泥一大舊，外圍有黃，深紫同淺紫芋圓各5粒，再加涼粉，最後加上淡奶。芋泥都頗甜，整散餸芋圓涼粉同食就啱啱好。芋圓口感煙韌唔會太粉，涼粉滑溜，口感豐富！食完碗甜品可降溫。今餐最正係牛三寶！上菜快捷，價錢合理，地點方便。中環返工人士可以試試。