旮旯 (已結業)

星期一下午想食下午茶，諗住呢啲時間冇咩人應該唔使排隊。我去到嘅時候四點幾，職員哥哥已經話最出名嘅卷蛋同埋葛餅已經賣晒，好傷心呀。所以建議如果真係想食呢兩種名物，最好下午三點前就要去到order啦。雖然食唔到兩種名物，難得山長水遠嚟到，梗係有咩就食咩啦。最終叫咗一個素菠蘿抹茶蛋糕，一個豆沙抹茶茶餅，同埋一杯咖啡。素菠蘿抹茶蛋糕，清清甜甜，都幾好食。另外豆沙抹茶茶餅，果然名不虛傳，佢啲茶餅真係好好食，茶餅好煙韌。另外杯Rotatte咖啡令我驚喜，有少少花香味得來又有咖啡味。好好飲。推介。