八佰屋日本料理 (已結業)

搬出美孚已5年多，今晚專登同老婆駕車再美孚一遊及晚飯，重溫昔日情懷，拍左架車喺荔枝角公園停車場，一出黎見到這間八佰屋，就決定食呢間，我都有2年冇幫襯了，屈指一算，我相信這間小店已經起碼廿多年。入到店內見佢地裝修左，有點半新舊的感覺，但也不失其小店風情，坐下後同侍應傾談中得知原來轉左老闆，但廚房師傅係舊班底，咁都放心d 。首先叫左個三文魚腩刺身，雖然賣相唔係好靚，但新鮮程度及級數都有80分，之後再叫左老婆最愛的銀鱈魚同燒牛利，加多碟炒什菜，味道同我以前食過的差不多。幫我埋單個位原來係老細，都好友善，好健談，傾落原來佢係呢度幫襯左成20年的熟客，係前年機緣巧合下頂了這店，班底同來貨全部無變，今次俾我感覺唔錯，雖然我搬左去港島區，但我會再黎，希望佢可以保持到，支持小店。