信得過 (已結業)

22-11-2009一直想試試呢度的湯水, 是日終於一個人來 early lunch 了. 叫了店員哥哥 (老闆?) 介紹的幾款招牌菜, 有杏汁白肺湯 (好似 $38), 白灼豬潤 (好似 $55); 加一碗清湯米線 ($5) 作填肚之用.杏汁白肺湯呈米白色, 聞落帶點杏仁香, 飲落亦有輕輕的杏仁味, 幾清, 不過好似唔多夠火喉, 又唔夠滑, 飲到最後仲有點粉末狀的渣, 係杏仁粉? 豬肺反而幾好食, 軟熟又帶點彈口, 處理得唔錯喎. 還不錯的一個湯, 但同 HKUAA (http://www.openrice.com/restaurant/commentdetail.htm?commentid=1891745) 比, 就當然差人好多條街啦 白灼豬膶面頭附上大量薑蔥, 仲有花生墊底, 可拌打邊爐豉油 (?) 食, 灼魚皮食法? 豬膶厚切, 呈「嘴唇」形, 灼得剛熟, 唔會有血水滲出, 但異常爽脆鮮甜, 蘸點豉油食, 正 好此道的, 值得試試.米線淥得稍腍身, 但好滑溜, 連 d 清湯都係無 MSG 又帶點胡椒香, 又不錯.食物做得認真, 環境就係光鮮乾淨的茶記格局;