Sahara Mezz Bar (已搬遷) 新店位置

自問好少食中東菜。始終若果可以選擇，自己都會揀法國或意大利嘢，口味問題...今次選擇嚟，主要係太座嘅二家姐好喜歡呢度。今次順道來訪，當然要試試la...想一想已有年多左右冇嚟過蘇豪區。發覺街道依舊，但身旁嘅食肆已換了不少，煥然一新...呢度係典型嘅bar restaurant，燈光黑黑哋，位與位之間空間較焗促。大部份客都係以飲嘢為主，menu上選擇亦不太多...雖然自己少嘗中東菜，但都知中東菜主要以羊食為主，配以多種不同香料烹調；蔬菜就以豆類、茄瓜等為代表...先嚟個招牌小食併盤(mezz platter): 當中最出色嘅係茄瓜蓉，味道清新且甜，用嚟配pita bread而食相當不俗；豆泥、羊肉腸及春卷就味道一般....再嚟個燴蝦沙律。蝦味道甜甜酸酸，新鮮爽口；沙律口味清新，亦不俗...叫咗幾款Ragine，有羊有雞有魚。當中自己最欣賞個seabrass --- 跟茄醬同煑，頗開胃；魚肉質頗滑，皮微脆，可口...羊可以再膻一D更妙....再嚟兩大碗質感獨特，細細粒嘅中東米飯，飽到暈...