影片
更多
2024-09-05
150 瀏覽
食雞煲呢個玩意，好似好耐無做過，仲記得N年前盛行辣雞煲既日子，差不多日日都有朋友話要約食的。很懷念當年的黃金日子，但咩都係一窩蜂既香港，今時今日想食餐有質素既雞煲都唔係咁容易，好在朋友神通廣大，搵到呢度。食辣嘢梗係要有凍飲，仲要大大杯嗰隻，整杯菠蘿冰，勁巨型勁多菠蘿，爽皮！先來些小食，皮蛋與手拍黃瓜，以及冰鎮墨魚鬚，有夠醒胃，細細份打開胃口，岩數。脆皮牛腩都做得好，外層脆口，牛腩鬆化，唔怕甩皮甩骨，食肉獸既我忍唔住多來兩件，幾乎雞煲未上已經飽左。七條友，要左兩個鍋，一個大既冬瓜瑤柱花甲雞煲，另一款則是細既花膠雞煲。席上的朋友都唔係辣魔，因此只吃微辣好了。所謂細既，即是半隻雞，加上有花膠在內，我哋又貪心地加埋日本帶子，份量都好足。雖然辣度唔係好強，不過幾夠香口惹味，肉質亦不嚡口，花膠吸收了精華，也是非常精彩。至於後加既日本帶子，屬刺身級，自然了得。冬瓜瑤柱花甲雞煲，內有唔少花膠，同埋頗大隻既沙白，啖湯肯定清甜。沙白鮮甜無沙，花膠質素與辣煲嗰邊一樣，用上原隻新鮮雞，肉質彈牙，仲有雞雜，單係呢個煲已經好精彩。食晒兩個煲入面既嘢，坦白講已經飽得七七八八，但作為食肉獸既我，仍可以叫些豬牛來打邊邊
食雞煲呢個玩意，好似好耐無做過，仲記得N年前盛行辣雞煲既日子，差不多日日都有朋友話要約食的。很懷念當年的黃金日子，但咩都係一窩蜂既香港，今時今日想食餐有質素既雞煲都唔係咁容易，好在朋友神通廣大，搵到呢度。
食辣嘢梗係要有凍飲，仲要大大杯嗰隻，整杯菠蘿冰，勁巨型勁多菠蘿，爽皮！
先來些小食，皮蛋與手拍黃瓜，以及冰鎮墨魚鬚，有夠醒胃，細細份打開胃口，岩數。
脆皮牛腩都做得好，外層脆口，牛腩鬆化，唔怕甩皮甩骨，食肉獸既我忍唔住多來兩件，幾乎雞煲未上已經飽左。
七條友，要左兩個鍋，一個大既冬瓜瑤柱花甲雞煲，另一款則是細既花膠雞煲。席上的朋友都唔係辣魔，因此只吃微辣好了。所謂細既，即是半隻雞，加上有花膠在內，我哋又貪心地加埋日本帶子，份量都好足。
雖然辣度唔係好強，不過幾夠香口惹味，肉質亦不嚡口，花膠吸收了精華，也是非常精彩。至於後加既日本帶子，屬刺身級，自然了得。
冬瓜瑤柱花甲雞煲，內有唔少花膠，同埋頗大隻既沙白，啖湯肯定清甜。沙白鮮甜無沙，花膠質素與辣煲嗰邊一樣，用上原隻新鮮雞，肉質彈牙，仲有雞雜，單係呢個煲已經好精彩。
食晒兩個煲入面既嘢，坦白講已經飽得七七八八，但作為食肉獸既我，仍可以叫些豬牛來打邊邊的。極品牛小排，睇雪花已知係好料，輕輕在湯內拖幾下，入口嫩滑好吃。
席上有朋友唔食牛，也來碟黑豚肉，安慰下佢哋。
身型龐大既野生竹笙，自然爽脆，索盡湯底既味道，是極品。偶爾一餐雞煲，其實真係幾爽~
張貼
