Channel 3 Tapas Bar & Restaurant

營業中

休息中

好耐無去酒吧食野，收工與友食個dinner特別開心。食物水準不俗，環境幾好，隨著音樂放鬆一下心情。芒果蟹肉沙律 $108粒粒芒果酸甜開胃，加上絲絲蟹肉、爽口洋蔥粒和蕃茄粒，口感味道豐富，前菜令人印象深刻。蘑菇帕爾瑪火腿薄餅 $128餅底香脆配料十足，薄餅分成六件，每塊都有帕爾瑪火腿，切得好薄口感柔軟充滿咸香，夾住煙韌嘅芝士、大粒蘑菇和蕃茄醬汁底，非常美味。白酒忌廉煮青口 $98青口肉幾大粒，口感軟彈，白酒忌廉汁好creamy好好味，仲有沙律菜索埋汁食，正呀~香煎美國頂級肉眼扒 $268肉眼扒１２安士相當大份，香煎厚切鎖緊肉汁，7成熟剛好，肉質軟腍牛味濃，加上少許鹽吊味，唔醮汁食都咁好味，配汁食當然無咁單調啦。