影片
更多
2013-10-16
2943 瀏覽
醉瓊樓酒家細過嗰陣附近都有好幾間酒家會加醉瓊樓落自己個名度,好似要話比人聽佢都係做客家菜.但一路大,呢啲酒家就執吓一間,執吓一間,到而家剩低既都已經不多,多年之後既今日又有機會再去食,再一次令我一試難忘.今次去既係灣仔呢間,其實印象中佐敦都好似有一間,不過反而就冇去過.門口黃色三個字,寫住醉瓊樓,隔離有一隻熟咗既肥雞,就係呢個標記,好有親切感.酒家係有兩層既,樓上樓底矮啲,但好似又坐得舒服啲.不過呢間酒家既位置有個問題,就係响正兩個地鐵站中間,所以搭地鐵就好唔方便.四個人,可以試既嘢唔算多又唔算少,就諗諗佢啲套餐啦,形式有啲似元郎嗰間大榮華,但款式就應該大榮華多啲.我自己唔係太喜愛食羹,感覺飲完一碗就會好似打咗底,好快就會飽,食少好多嘢,但佢個套餐本身有就冇辦法啦.結果我地叫咗下面既餸.梅菜扣肉,香煎芙蓉蛋,沙薑雞,海鮮羹,枝竹炆蚌魚.呵呵,明明係四人套餐,點解有四個餸既?呵呵,因為我大食,所以叫多一個餸食囉. 梅菜扣肉,攞出嚟嗰陣好熱好熱好熱,基本上如果係蒸既,冇乜可能可以去到咁熱,所以我估佢係用微波爐叮番熱佢,咁有乜問題?其實係冇既,因為呢個梅菜扣肉係我第一個放入口度啲肥肉係會自
細過嗰陣附近都有好幾間酒家會加醉瓊樓落自己個名度,好似要話比人聽佢都係做客家菜.但一路大,呢啲酒家就執吓一間,執吓一間,到而家剩低既都已經不多,多年之後既今日又有機會再去食,再一次令我一試難忘.
今次去既係灣仔呢間,其實印象中佐敦都好似有一間,不過反而就冇去過.門口黃色三個字,寫住醉瓊樓,隔離有一隻熟咗既肥雞,就係呢個標記,好有親切感.酒家係有兩層既,樓上樓底矮啲,但好似又坐得舒服啲.不過呢間酒家既位置有個問題,就係响正兩個地鐵站中間,所以搭地鐵就好唔方便.
四個人,可以試既嘢唔算多又唔算少,就諗諗佢啲套餐啦,形式有啲似元郎嗰間大榮華,但款式就應該大榮華多啲.我自己唔係太喜愛食羹,感覺飲完一碗就會好似打咗底,好快就會飽,食少好多嘢,但佢個套餐本身有就冇辦法啦.結果我地叫咗下面既餸.
梅菜扣肉,香煎芙蓉蛋,沙薑雞,海鮮羹,枝竹炆蚌魚.呵呵,明明係四人套餐,點解有四個餸既?呵呵,因為我大食,所以叫多一個餸食囉.
梅菜扣肉,攞出嚟嗰陣好熱好熱好熱,基本上如果係蒸既,冇乜可能可以去到咁熱,所以我估佢係用微波爐叮番熱佢,咁有乜問題?其實係冇既,因為呢個梅菜扣肉係我第一個放入口度啲肥肉係會自動溶喺口,好甘香,梅菜味道係偏向甜但我自己本身都喜愛甜,肉同梅菜咸甜都適中.如果你鍾意食梅菜扣肉又或者一年只有一個quote食梅菜扣肉就一定要試試醉瓊樓呢個.
香煎芙蓉蛋, 平時好少叫,因為嗰日屋企人想試吓就叫咗,份量十足,要睇吓你自己本身要幾煎得幾香,個人喜愛香口啲,所以有少少改進空間,但純粹是個人口味,因為見到厚厚既蛋都已經好開心.
沙薑雞隻雞真係有雞味呀,哈哈,其實應該係叫鹽焗的,畢竟佢地係比較出名,但唔想食得太咸,所以就要咗沙薑雞.雞肉唔走滑溜溜路線,相對肉比較實,但如果話佢係實不如話而家都標榜佢地啲肉好滑,咁又係去番個人喜好既問題.沙薑醬濃郁,將啲雞肉點一點啲沙薑,真係有啲畫龍點睛既感覺.海鮮羹就比較大路一啲,我最怕啲羹打獻打到成堂鼻涕,咁喺呢度當然唔會出現咁既情況啦.
最後就係枝竹炆蚌魚了,平時好少食蚌魚,所以有人炸透再炆,唔使自己整就梗係好啦.魚嚟講當然唔可以話有幾鮮味了,唔係話佢唔新鮮,而係因為用枝竹去炆都係味道幾重既一道菜,所以一定會蓋過啲魚味.但正如其他幾個餸咁,味道係重,但絶對唔係咸,個蠔油獻打得啱啱好,呵呵,枝竹其實先係主角,索埋啲汁,真係好正,又好送飯.另一樣值得講既係啲職員既服務態度非常好,令客人食得好開心.有機會一定會再去過食.
張貼
