醉瓊樓酒家

營業中

休息中

很久沒吃客家菜，今晚決定來這間傳統酒家一試。一入座，服務員就奉上花生小吃。這款前菜相信只淨傳統酒家供應了。我們點了一份四人餐，首先是銀杏豬肚湯，湯底清甜。然後有招牌鹽焗雞皮脆肉嫩，鹽香四溢，配上沙薑汁，非常惹味，難怪是招牌菜。客家菜中梅菜扣肉實在是必點的，肉質軟滑，入口即溶，梅菜的香氣提升了整道菜的層次。時菜斑球新鮮爽口。最後，奉送的紅豆沙甜而不膩，完美作結。

放工食飯兼唞唞。老友聚頭醉瓊樓。六人食個八人餐。食剩隻雞太勁抽。先飲粟米魚肚羹。姐姐舀湯夠溫柔。足足飲咗三大碗。我對此項有要求。東江豆腐有details。七零年代小時候。豆腐中間釀肉碎。然後才去煎吓油。豉汁䱽魚勁大條。煎香味道算一流。可惜涼瓜少咗啲。菜欄難道是對頭。一隻足秤霸王雞。太過蒼白青幽幽。冇淋熟油蔥絲多 。味道可以把貨收。吃飯備胎咕嚕肉。菠蘿去咗鴨脷洲。豬肉就是這回事。人間那得隔夜仇。還有海嵾拼花膠。我愛冬菇有理由。人人都要補呀補。健康問題實堪憂。招呼慇懃茶水足。送埋糖水花生稠。每人唔使兩舊水。怕肥摩hill 把水游。

啲服務態度勁差6個人去食，係咁sale 你8人餐本身想叫4人餐加多2個素菜（因有人食素）一唔聽佢地講叫8人餐，佢哋幾個係咁圍住講叫8人餐啦，抵食啲嫁但我地睇完餐牌之後，都叫唔到8人餐入面咁多餸，結果叫左4人餐加餸伍地啲人即時黑晒面，面阻阻，好似得罪左佢地咁

❤️ 醉瓊樓酒家📍灣仔軒尼詩道289號地下B號舖------------------------------1️⃣ 鹽焗雞 (跟餐)推薦指數：👍🏻👍🏻👍🏻👍🏻👍🏻鹽焗雞有水準 美味 上枱時還是暖的 值得一讚🤩雞皮清爽 不會油膩 雞肉嫩滑 有雞味和鹹香味 還有一細碟沙薑醬 可按個人口味去蘸 貼心😍2️⃣ 豉汁蒸白鱔 推薦指數：👍🏻👍🏻👍🏻👍🏻👍🏻白鱔十分新鮮 口感爽脆 加上惹味的豉汁 甜甜鹹鹹的 還食到白膳的鮮味 正🤩即叫即蒸 熱辣辣 份量適中 推薦3️⃣ 銀杏豬肚湯 (跟餐)推薦指數：👍🏻👍🏻👍🏻👍🏻銀杏豬肚湯呈奶白色 飲落很舒服 有淡淡的胡椒味 鮮甜💕豬肚 爽口彈牙 銀杏軟腍 口感綿密 惟湯的溫度可再熱些😆4️⃣ 時菜炒鮮魷 (跟餐)推薦指數：👍🏻👍🏻👍🏻👍🏻時菜炒鮮魷的味道不錯 份量足 鮮魷炒得剛好 彈牙 嫩滑 大大塊 有鮮味🤩時菜是菜心 同樣炒得剛好 脆脆哋 很清甜😍5️⃣ 節瓜蝦米粉絲煲 (跟餐)推薦指數：👍🏻👍🏻👍🏻👍🏻節瓜煮得很軟腍 還有蝦米 魷魚粒 冬菇片😍節瓜及粉絲散發着蝦米的鹹香 及魷魚 冬菇的香味和鮮味😆調味適中 很適合撈飯食 不錯6️⃣ 西米紅豆沙(免費)推薦指數：👍🏻👍🏻👍🏻👍🏻西米紅豆

忽然想食鹽焗雞，剛好在灣仔，想起幾年前同家人去過醉瓊樓，雖然非常一般，但見佢屹立不倒，因此想再去試試。叫了二人套餐，加50元改為半隻鹽焗雞，另外加菜心炒班球及西湖牛肉羹。鹽焗雞非常普通，一般茶餐廳水準。所謂斑球其實是雪藏青衣柳，反而菜心幾甜，西湖牛肉羹則只有胡椒粉味。吃到差不多時，突然發現菜心下面有一隻腰果般大小，全隻黑色長滿毛的【怪蟲】。即時向侍應反映，他表示可以再炒一碟給我們，但我們已經完全沒有了胃口，匆匆埋單走人。其實我都明白食肆經營艱難，盡量想多些光顧支持本地老店，可是二人套餐加上茶芥要452元，以此價錢得到的食物和衛生水準，完全不值！尤其是衛生問題，以後也不會再次幫襯醉瓊樓！

以前在灣仔工作，完全冇留意這間歷史悠久的「醉瓊樓酒家」，所以今日想去試這間懷舊嘅酒樓。酒樓內裝修不是華麗的，但食物的質素好有水準，午市特價飯的價錢比較有些茶餐廳更便宜，午市來吃個碟頭飯都是50多元，客人需要搭枱的，我們兩點到，首先搭枱，另一客人離去後，我們就獨佔整張枱。我們點了以下的食物：肉絲炒麵$62炸大腸$98朋友極力推介炸大腸好好味，平時我喺街邊係唔會食打炸大腸嘅，所以呢度就叫一碟來試吓，價錢$98不是便宜，但真係整得好好味，外皮炸到好鬆脆， 炸大腸蓋住幾片菠蘿，一啖炸大腸，一啖菠蘿，這個配搭幾好味。🍍雖然肉絲炒麵好多地方都可以食，但不是每一間都會做得好味，而這間酒樓做的炒麵的軟硬程度剛剛好，麵嘅質感不會完全淋或太硬，肉絲，芽菜及韭菜炒得好好味，芡汁濃度剛好，唔會令到個麵好多油。☕️🫘仲有中國茶茶及紅豆沙提供，起沙的紅豆沙好好味😋😋😋

作為半個客家人，對客家菜很有情意結。所以當得知公司附近有這麽一家客家菜館，還是老字號的， 我就來幫襯了好幾次。他們的午市客飯很親民，份量足， 就算是好胃口的大男生也足夠飽。這天我跟同事來吃，每人點了一客飯， 再加一碟例牌霸王雞，再加碗胡椒豬肚湯， Perfect!霸王雞肉質很好喎，唔柴且很入味，夾著舖面的薑蔥吃，很搭。梅菜扣肉是我點的， 不過奉勸慎點， 因為佢真正做到夠肥， 肥腩入口即溶，非常好味， 但由於份量很大，一個人吃連我都覺得有點膩， 建議可每人點一個不同的餸再分著吃。咸魚肉餅是很受歡迎的項目，經常賣斷，今日我們有幸踫上即點，咸魚有肉而且很濕潤，配上肉餅很好下飯。胡椒豬肚湯很清潤，佢仲加了白果，很下火，啱晒熱氣的我呢。最後還會送甜品，性價比超高。

今日午餐諗諗吓想食個鹽焗雞飯醉瓊樓的鹽焗雞好似好有名坐到去阿姐就叫埋邊坐啦！然後就問你飲咩我揀咗香片 一人一壺茶喺午飯時間都係一個享受二話不說地揀了招牌鹽焗雞飯 聽講是用咗文昌雞 雞脾顏色較淺 雞味濃郁 配上濃郁的沙薑另有一番風味望一望隔離枱很多人叫了星洲炒米下次可以一戰是日午餐成為$62多謝

在灣仔想搵間酒樓食飯，原來越來越難，今日去灣仔想約幾位長輩食飯，經過見到呢間醉瓊樓，多年來仍然屹立不倒，當然要入去同長輩們懷緬一番😄😄入到去見到個裝修，真係好有感覺， 兒時跟爸爸媽媽去酒樓食飯的記憶返晒嚟，食物都保持一貫水準，份量又多又抵食👍🏻👍🏻👍🏻可惜跟長輩食飯唔方便相機食先🙈🙈希望大家多多支持，保存呢啲香港獨有的中菜廳，香港味道😋😋值得支持的老店！

又係呢種情況，在街上行了20至30分鐘都找不到想吃的，於是從金鐘、灣仔越行越遠，都行到莊士敦道，然後過返對面，發現有家新式的茶餐廳，赫然看見求其吃個午飯都要$60 ，吃個飯甚至毛$60-70 ，於是走前兩步，發現老字號的醉瓊樓仍然屹立不倒，於是看看餐牌，發現有炒東西不算昂貴，立即內進。樓下啲食客已經各據一方，於是我走樓梯上一層，自己搵張桌坐下，叔叔還會問你要什麼茶，然後看看餐牌。由於不算時間相當充裕，在門外看到有廈米，立即下單，叔叔問我要不要白果豬肚湯，聽個名已經覺得吸引，便要一碗。呈白色的模樣，喝完都不覺得有味精的感覺，白果有幾粒，豬肚都有4、5件 ，爽口彈牙，加了少許胡椒粉，味道不太嗆，香氣四溢，即使阿叔說要廿蚊亦都值回票價。廈門炒米，米粉份量不算太少，有不少的蝦仁粒、叉燒粒、蛋、洋蔥，另外也保留了我最喜愛的五柳菜，少許酸味，有點嚼勁的。香片茶的味道有少許澀口，不過要午市任你飲茶，而又不包茶芥，實屬難得；因為它的確有壺茶，然後廈門炒米都有跟一碟辣椒醬給你；另外臨走的時候，阿姐其實還拿着一碗紅豆沙，不過我之後有大型會議，又喝了咖啡、豬肚湯、香片茶，都不能再吃紅豆沙了。滿足至極，一人來

四人套餐 $468有一碗羹同自選三款餸。餸既選擇好多👍海鮮瑤柱豆腐羹唔係好感覺到瑤柱既存在😂梅菜扣肉三個餸入面最好食😋啲肉夠入味夠淋咖哩牛腩煲牛腩勁少 好多青椒洋蔥🧅🙁椒鹽豆腐同想像中好大出入 同埋無乜味鹹魚雞粒炒飯呢個唔係套餐包 要另外叫 飯夠乾身 只係無鹹魚味 但算好味😋糖水一人一碗免費糖水 西米紅豆沙 不錯👍

午餐上班族必食，抵食大份又有鑊氣！灣仔軒尼斯道，電車路旁舊式噶酒樓款。連樓梯，臺布，餐臺都系舊式，從入門口開始就已經感覺到以前同爹地媽咪飲茶噶日子。本身客家人，客家菜一定會挑三揀四。午餐套餐免茶介，免加一。|鹽焗雞飯鹽焗鷄真系好正，雞不會太滑，剛剛好夠堅韌。我都搭配左兩兜沙薑鹽醬，搭配鹽焗雞配白飯。|幹炒牛河^同事就快餐為主，幹炒牛河簡單有鑊氣。食完還有糖水供應，蓮子薏米花生。非常適合宜家天氣，去濕熱。整體黎講，其實雖然服務多數都系年紀稍微大噶姨姨，叔叔。但勝在在灣仔區還可以揾到呢啲餐廳。已經不多。

由於本身無期望，所以一張相都無影…純粹家常便飯客家菜。我地一行4人，選擇左一個4人餐：眾多選擇中揀左3款小菜：半隻霸王雞，炸大腸，蟹肉扒西蘭花；另加豉汁蒸大鱔及椒鹽鮮魷；湯：銀杏豬肚湯首先霸王雞：雞嫩有質感，不加多餘豉油蓋過雞嘅味道，可點另外配的沙姜醬，別有一番風味。炸大腸及蟹肉扒西蘭花屬於正常之作。椒鹽鮮魷：食得出鮮魷好新鮮彈牙，但略嫌唔夠脆口。豉汁蒸大鱔：兩個字“新鮮“。銀杏豬肚湯：味道適中，溫度方面我個人認為湯係要燙口先叫湯，所以呢度就差小小小小。整體嚟講，一入店聞到一陣怪怪的味道，我稱為歲月味道…招呼完全有賓至如歸嘅感覺，親切招呼，禮貌款待。呢度係有d喜出望外…

This restaurant has been Around for more than 1/2 century. Their 東江鹽焗鷄has been a childhood favourite. So glad to see them still around after so many years With the pandemic and no dine in after 6 it has been really difficult for them. I was so happy to see them offering 盆菜for Chinese New Year. And what great value! For a small portion (4-5 people) it’s only $488 (10% off if you order before jan31). The ingredients are not luxurious but good enough for a family 年夜飯Very tasty. ! Good value

下午路過慕名幫襯，點知做咗老襯.......點了一個鴨腿湯飯，飯一到就知出事，隻鴨腿是雪藏的，完全冇嚟味度......湯底極之普通，普通清湯加幾條白菜，隻鴨腿仲要硬崛崛......皮是淺啡色......極之失望.....有揼春之感......飯後有糖水送我都唔要了.......這類老店愈來愈少......希望能夠維持應有水平......侍應及收銀態度就良好有禮，希望食物質素做番好啲。