滄浪亭

營業中

休息中

同foodie 同事不約再同咁想食上海菜又夾都冇夾過就search到滄浪亭，就一於去try try!小店唔係好大，一雙手數晒所有枱嘅數目，廚房兼樓面由兩位姐姐打理。我地叫左嫩雞煨麵同糖醋排骨菜飯。嫩雞煨麵個湯好白好creamy，姐姐話湯底咁白係加左牛奶，嫩雞同小唐菜切到細細粒方便咬，而且呢個combo超健康又食得開心！幼身嘅上海麵吸收左奶白湯嘅精華，口感幼滑，淋得嚟麵條中心又有d咬口，的確唔錯！菜飯亦係上海菜嘅必食之選，今次配搭左小邪惡嘅糖醋排骨。糖醋排骨真係炸得好酥，同平時用麵包糠炸係兩樣感覺，加恰到好處嘅糖醋汁，令人一粒食完又一粒。菜飯比較水，如果亁身d口感就會再好d。